亞答屋

營業中

休息中

餐廳：Attap地點：中環街市菜式：新加坡菜餐牌：平日下午茶餐牌有9款選擇，有飯有沙律有肉有小食咖哩牛腩飯 $68咖哩牛腩飯有牛腩一客8件，食落啖啖肉，肉質都唔錯，唔會太韌，咖哩味辣辣地，好滑溜，餸飯一流。伴有白飯一大碗同蘇東魚丸雞湯。蘇東魚丸雞湯有兩粒魚蛋，仲有脆口八爪魚粒係底，撒上葱花，個湯味道鹹度適中，味道都好好。海南雞飯配蘇東魚丸雞湯 $72海南雞有雞脾有雞胸肉有雞翼，雞皮唔會太厚，肉質都唔錯，好嫩，連雞胸肉都唔差。跟有三色醬汁，包括甜豉油，辣醬同姜蓉，令雞肉更好味道，我最鍾意甜豉油！伴有幾片青瓜解膩。配有雞油飯同蘇東魚丸雞湯。雞油飯熱辣辣好大碗。上菜快速，食物質素唔錯，下午茶價錢抵食。