亞萊泰 (淘大商場3期) (已結業)

真·菠蘿炒飯開餐喇，一開頭見佢個名係菠蘿炒飯以為真係咁簡單菠蘿同飯炒埋，但係嚟到都見到啲料都幾豐富喎 ， 有肉鬆，蝦，魷魚，腰果，青豆， 紅蘿蔔粒同菠蘿粒，而個菠蘿應該係新鮮嘅，因為啲菠蘿粒好酸但係每一啖飯加埋脆脆地既腰果一齊食又好好，啲配料又幾充足，蝦都幾大粒幾彈牙。鐵板青椒花膠牛肉可能係因為鐵板上嘅關係，牛肉都幾嫩滑， 花膠都唔會話得好少，味道方面個醬汁都幾濃，幾刺激， 鹹鹹地而當中又帶少少青椒嘅蔬果味。