亞龍咖喱

營業中

休息中

係佐敦，有兩間咖哩鋪拍住開，一間叫亞龍咖哩，另一間叫阿龍咖哩。前者係老公開嘅，後者係老婆。有熟客男友帶路，今次試下老公咖哩先。餐牌上選擇唔多，只有咖哩乜乜同埋蕃茄物物，餸方面可以揀牛，雞，魚，蝦，蟹同薯仔。小食方面有咸甜薄餅。我地叫左一客咖哩牛腩同咖哩雞小辣，配飯再加一個咸薄餅。咖哩汁底係一樣嘅，叫左小辣關係，送飯好開胃，牛腩煮到好林入味，不過就肥左少少。雞方面就比左上亦位置同一件肚胸件兩大件，同樣地煮到好林，因為雞件好大件，拆左肉出黎點咖哩汁，正。咸薄餅同一般印度薄餅 （nann) 唔同，巴基斯坦薄餅有一陣麥味，感覺似粗糧，我就唔太岩食喇。整體味道唔錯，不過以碟頭飯黎講，兩個人食左160蚊真係有d貴呀。