Mee...lemongrass (彩園廣場) (已結業)

今日同女朋友去咗上水度搵嘢食 女朋友話想食啲重口味又開胃嘅嘢 所以我哋就搵下有冇泰國嘢或者馬來西亞野之類嘅嘢食 喺上水站行出嚟嗰個彩園商場就有一間馬來西亞餐廳 叫做 Mee..lemongrass 價錢好似都幾大眾化 咁就決定入去試下啦首先叫咗馬來西亞肉骨茶 食馬拉菜必點肉骨茶 肉骨茶湯底藥材味濃郁 但係容易令人接受 入面有一字排肉量都幾多 加上冬菇 豆卜 支竹等嘅材料十分豐富 送飯一流 食完有補身嘅感覺泰式金邊粉 係我最喜愛嘅泰國菜之一 呢度做得唔錯 金邊粉炒得條條分明 醬汁酸酸甜甜而且唔會好濕潤 加上花生碎 蛋絲 大蝦等等嘅配料 令人回味無窮黑椒牛柳粒 用鐵板裝住上面嘅牛柳粒份量唔少 咬落肉汁爆出黎 配上非常香濃既黑椒汁 惹味可口