Plato Cafe & Bistro (彌敦道) (已結業)

行街行到攰，就搵間餐廳醫下個肚！餐廳招牌易見又係大街，見地方舒服就試下！係酒店樓下，有唔少人係度食，傾野，環境舒適。之後睇反openrice 先知新開，甘就等我介紹下有咩食，哈哈。走時發覺佢幾近油麻地港鐵站，一分鐘路程，約人食飯幾方便！兩個人叫左二人餐，有餐湯、前菜、主菜、餐飲同甜品。磨菇忌廉湯+蒜蓉包湯好濃，將唔同材料打爛而成，除磨菇外有咩真係唔知，不過幾好味，哈哈。蒜蓉包好脆好香，仲熱既！前菜有幾樣揀，我地揀左牛油炒雜菌。細細碗，兩人剛好。牛油好香，茹切到細細舊，有幾款菇。牛肝菌帶子忌廉意粉呢個推介食！個汁好濃，杰杰地，唔會好水。牛肝菌好香，每條意粉都痴滿汁，好味！！！帶子雖然得一只，但好大只，外邊煎脆，肉質嫩滑！安格斯西冷牛排因為唔食得生牛，所以叫左八成熟。雖然甘熟，不過個排仲係好淋，juicy ，肉唔會實到鞋晒！正！！煎得唔錯！排有牛味，幾大塊，厚身，點埋個燒汁一流！餐飲主要係唔同味既茶包，轉其他要加錢。呢杯係芒果紅梅茶，酸酸地，幾開胃！提拉米蘇好味！creamy，甜度剛好，會令人想食多舊！二人餐388，加一，正常價錢，計過叫餐好似抵過散叫，食物整體幾好！仲會再黎！