ALIVE EATERY by Alive Food (已結業)

深水埗有好多cafe，千揀萬揀終於揀咗Alive Eatery。想食sourdough嘅我，結果俾lunch set吸引咗，$158有main+drink，仲可以揀要湯定甜品，咁抵食冇理由唔食佢，下次返嚟再食sourdough～舖頭座位唔多，得15個左右，late lunch時間都有三四枱食lunch。聽到佢可以提供wifi，不過網速偏慢*Main 啤酒意大利走地春雞 (+$10)半隻春雞炸到黃金色，配菜仲有細蘿蔔同薯角。春雞肉質非常嫩滑，連雞肉都好juicy好入味。冇啤酒味，大概係因為酒精因高溫蒸發晒，反而醬汁有驚喜，面頭係青醬，帶濃烈嘅蒜香，春雞底有另一種汁，有啲似打邊爐自製沙嗲醬😂鹹香十足，但有啲油。意式×港式(?)醬汁好夾好有驚喜。Dessert 無麩質合桃朱古力布朗尼蛋糕配朱古力醬布朗尼 size唔細，蛋糕紮實濕潤，唔會太甜。蛋糕嘅朱古力味本身已經好香，加埋面頭嘅朱古力醬，朱古力味更加香濃，食完好想再食。Latte (原價 $40)拉花好IGable❤️但咖啡味淡，而且唔夠醇厚。