Oui Oui Bistro (已結業)

相隔一段長時間，今日再黎呢度食LUNCH，嘆返個休閒法國餐。長沙灣地鐵站大約行左7-8分鐘，記得呢度既Hazelnut Latte好好飲，天氣熱即叫左兩杯凍飲，雖然都好飲，但我覺得咖啡都係熱既會更滑更好飲，而另外果杯Cappuccino 味道相對較淡一點。🍴Lobster Linguine $198單靠賣相已取勝，龍蝦肉質彈牙，味道鮮甜好味，扁意粉硬度適中，吸收埋D龍蝦汁精華，濃郁好滋味。🍴Frittata & French Toast $148 蛋液拌入蔬菜、蝦再經烘烤， 營養滿分又可為餐桌增色。多士似係梳乎厘同海綿蛋糕既混合體，外表稍微焦香，內部軟熟。呢度地方雖然不大，但感覺休閒舒服，同朋友傾下計，食好野既好地方。