影片
更多
2017-05-11
236 瀏覽
上兩個星期同男朋友係屋企睇戲，我地揀咗小男人人週記3嚟睇！頭兩集雖然已經係好多年前拍落，但已家睇番，都依然覺得好好睇以為頭兩集OK, 第3集搵番阿蛋做，應該都OK掛！但請恕我唔係太識欣賞父女戀投入唔到...不過係戲中，見到周秀娜係最後開咗間Coffee Shop，叫辦館！上網查一查，原來真係有呢間餐廳，所以就係一個風和日麗嘅星期日下午，帶埋男朋友一齊去做吓偽中產啦辦館係香港已經有3間分店，我今次去呢間係中環老蘭附近，好易搵。好鍾意門口呢張手寫價錢牌，懷舊之餘又有特色。同埋手寫嘅嘢，我總會覺得特別有味道！雖然佢係一間Coffee Shop, 但入面仲有頭髮用品同精品賣，係香港嚟講比較少見。呢到主要食多士同咖啡，作為黑松露嘅粉絲，又點可以唔點佢個黑松露油芝士多士佢呢隻係厚多士，一上枱已經聞到嗰陣黑松露味，食慾馬上提升芝士份量唔算少，食起上嚟仲有拉絲效果，唔錯。另外我地仲叫咗火腿溫泉蛋芝士多士，食落感覺似Egg Benedict ，溫泉蛋做得唔錯，輕輕篤一下，啲蛋汁已經瘋汁咁流出嚟，配埋杯Rose Latte，咁就做咗偽中產啦！講番杯Rose Latte, 味道甘甜，飲落順喉而且帶有濃烈嘅玫
辦館係香港已經有3間分店，我今次去呢間係中環老蘭附近，好易搵。
好鍾意門口呢張手寫價錢牌，懷舊之餘又有特色。同埋手寫嘅嘢，我總會覺得特別有味道！
雖然佢係一間Coffee Shop, 但入面仲有頭髮用品同精品賣，係香港嚟講比較少見。
呢到主要食多士同咖啡，作為黑松露嘅粉絲，又點可以唔點佢個黑松露油芝士多士
佢呢隻係厚多士，一上枱已經聞到嗰陣黑松露味，食慾馬上提升芝士份量唔算少，食起上嚟仲有拉絲效果，唔錯。
另外我地仲叫咗火腿溫泉蛋芝士多士，食落感覺似Egg Benedict ，溫泉蛋做得唔錯，輕輕篤一下，啲蛋汁已經瘋汁咁流出嚟，配埋杯Rose Latte，咁就做咗偽中產啦！
講番杯Rose Latte, 味道甘甜，飲落順喉而且帶有濃烈嘅玫瑰香，無諗到玫瑰同咖啡原來咁夾！！
其實我地仲叫咗一杯Green Tea Latte, 同樣都好有心思，做晒拉花！不過相對嚟講，我覺得Rose Latte 做得比較好！其實耐唔時做吓偽中產都幾開心，不過如果可以，希望我有朝一日真係可以成為中產，唔洗咁愁錢，可以好好享受吓生活！哈哈
張貼
