鳴橋燒肉料理 (已結業)

係朗豪坊聚會完結。朋友話泊底部車係砵蘭街，要去入咪錶，原來泊咗係鳴橋過幾個車位，於是乎因利成便，幫襯鳴橋。依家天氣好熱嘛，唔想係條街到蕩，快快趣入鋪頭先囉！再講，已經唔係第一次幫襯鳴橋，上一次幫襯鳴橋，服務唔錯價錢平，所以再幫襯。話就話燒烤放題，其實佢地都有魚生，天婦羅炸物同烏冬等提供。最初都擔心，會唔會對住個烤爐會好熱，但原來一d都唔熱，因為鬼我好鬼怕熱嘛！法式香草羊架，仍然同上次一樣咁入味，騷味接受，虎蝦大隻同新鮮，一口和牛粒未燒熟外相已經好吸晴，入口牛肉味充足無渣，正！d香港人好鬼無手尾，離開嘅時候只識開門唔識閂門，搞到冷氣走哂，唉......