Rang Mahal Authentic Indian Cuisine (已結業)

之前一直好想同朋友食下唔同國家既菜色，今次終於可以約埋一齊黎食喇～先黎左食印度菜，因為見食評都有幾高評價就黎一試，行完天橋落就見到轉角位有佢地既招牌，呢間餐廳由外到內都係由印度人負責，所以都需要以英語溝通，菜名好有印度特色，好多都係印度發音環境幾大，而且一入去會聞到一陣印度式香味，過一陣就會習憤，燈光偏暗，背景會播放當地既歌曲，好似去左印度咁～前菜會有幾塊薄餅同三種醬料，印度人食野比較濃，所以會用好多香料同辣，醬料可以配之後點既菜色都別有一番風味芒果乳酪，無論味道抑或口感上，都絕對有別於平日係便利店買既乳酪，口感方面比較'稠'，而且味道又濃，但又唔會太甜，飲落亦唔會太酸，好有芒果既清新香味。但可惜係唔會飲得出芒果粒，所有芒果都攪拌成芒果溶，所以口感比較單一，不過都抵讚～無骨燒雞，用鐵版形式上菜，由於有唔同既蔬菜，加上切成花狀既蕃茄而吸引食慾。燒雞咬落去啖啖肉，可以慢慢品嚐件雞既咬感同味道，食落幼嫩多肉，而且會有少量肉汁溢出，我會加點檸檬汁，食出去微酸帶辣既味道，刺激味覺。可惜份量比較少，不過如果想品嚐到印度式燒雞既特別，大家可以一試～芝士咖哩小鍋，有青椒、辣椒、薯仔、香料同一啲類似雞肉