DK Cuppa Tea (已結業)

同閨蜜好耐無見啦，早前約咗佢一齊去上環DK Cuppa Tea嘆個夢幻下午茶，順便慶祝母親節。DK Cuppa Tea呢個夢幻下午茶係「幸福之約」，真係夢幻而精緻。呢個tea set仲有個特別既地方，就係食tea之前會有香薰治療師教我地點樣放鬆身心，先抽一張magic card，配合其香薰油，放鬆心情，慢慢享受下午茶既夢幻時刻。-幸福之約-鹹點美食有珍寶北海道帶子薯蓉、法國蝸牛、番茄水牛芝士、莎樂美腸奶酪餡餅，驚喜萬分。甜點就有彩虹馬卡龍、迷你甜甜圈、Tiffany Blue Scone配玫瑰果醬、Tiffany Blue & Baby Pink馬卡龍同一杯「天使之霧」，充滿夢幻甜美色彩。飲品係Soothing Love薰衣草朱古力有機茶配合香薰治療師嘅精油，更有效舒緩壓力和情緒。最後唔好咁心急離開，記得填埋問卷拎禮物。