影片
更多
2020-05-31
240 瀏覽
又到週六返半晝嘅日子，放工已經差不多兩點，天陰陰想落雨咁，令人提唔起勁，最適合搵間cafe過一個懶洋洋嘅下午。同朋友相約喺荃新天地等，佢一早已經物色到呢間喺馬莎旁邊嘅cafe，平日成日嚟荃灣行街嘅我居然一直冇留意到佢嘅存在。雖然已經兩點但依然有brunch set食，選擇唔算多，但勝在價錢相宜，而且免加一。侍應安排我哋坐喺對住玻璃窗嘅小吧枱，窗外係楊屋道街市嘅景觀，雖然天氣唔係放睛，但有自然光透入嚟，感覺非常舒適。枱面預先放咗薄荷水，涼爽清新。帶子配海鮮墨汁意大利飯份量雖然唔大，但一上枱已經香氣撲鼻。帶子表面煎到微微金黃，肉質厚實而且口感彈牙，感覺非常新鮮。雖然意大利飯望落烏卒卒，外表亦樸實無華，但查實非常有內涵，意大利飯有咬口，配搭嘅醬汁質感細膩，材料亦非常豐富，有墨魚、三文魚、紫菜同木魚絲，仲加入芝士所以有微微嘅拉絲效果，入口口感層次鮮明，滋味非常。紐西蘭香草西冷扒有八安士，尺寸適中，配搭炸蕃薯條同沙律，份量剛剛好，炸蕃薯條夠香脆而且唔油膩，味道香甜，令人食唔停口。西冷扒加入香草慢煮，口感軟腍冇筋，牛味頗濃，配搭砵酒汁亦非常合襯。飲品方面朋友同我都同樣揀咗意式泡沫奶茶，面頭有厚厚嘅
同朋友相約喺荃新天地等，佢一早已經物色到呢間喺馬莎旁邊嘅cafe，平日成日嚟荃灣行街嘅我居然一直冇留意到佢嘅存在。
雖然已經兩點但依然有brunch set食，選擇唔算多，但勝在價錢相宜，而且免加一。
侍應安排我哋坐喺對住玻璃窗嘅小吧枱，窗外係楊屋道街市嘅景觀，雖然天氣唔係放睛，但有自然光透入嚟，感覺非常舒適。枱面預先放咗薄荷水，涼爽清新。
香煎日本刺身帶子配海鮮墨汁意大利飯
$88
21 瀏覽
0 讚好
0 留言
帶子配海鮮墨汁意大利飯份量雖然唔大，但一上枱已經香氣撲鼻。
香煎日本刺身帶子配海鮮墨汁意大利飯
$88
9 瀏覽
0 讚好
0 留言
帶子表面煎到微微金黃，肉質厚實而且口感彈牙，感覺非常新鮮。
香煎日本刺身帶子配海鮮墨汁意大利飯
$88
8 瀏覽
0 讚好
0 留言
慢煮紐西蘭香草西冷扒(8OZ)
$108
8 瀏覽
0 讚好
0 留言
紐西蘭香草西冷扒有八安士，尺寸適中，配搭炸蕃薯條同沙律，份量剛剛好，炸蕃薯條夠香脆而且唔油膩，味道香甜，令人食唔停口。
慢煮紐西蘭香草西冷扒(8OZ)
$108
10 瀏覽
0 讚好
0 留言
西冷扒加入香草慢煮，口感軟腍冇筋，牛味頗濃，配搭砵酒汁亦非常合襯。
意式泡沫奶茶
9 瀏覽
0 讚好
0 留言
Cafe俾人嘅整體感覺好舒服，悠閒、輕鬆、小清新都係佢帶俾我嘅感受，但食物質素絕對唔放鬆，價錢亦唔貴，係週末飯聚嘅好選擇。
張貼
