水木日本料理 (已搬遷) 新店位置

好耐之前來食過日本菜覺得幾好，今次有客人嚟到就帶佢哋嚟食飯！我哋一開始就叫一啲小食，呢個係八爪魚蛋，口感好彈牙，甜甜地幾好食！另外叫咗一份燒明太子，明太子本身比較濃味所以用青瓜嚟隔開，就冇咁鹹，食落好香口，如果用來佐酒一流 ！呢一個係日本豚肉沙律，豚肉好甜，一啲都唔韌！下面嘅新鮮生菜用日本芝麻醬汁包住，好開胃！而且好多汁！粟米亦都好甜 ！刺身五點包括左牡丹蝦，日本大帶子，三文魚，手釣甘目鯛，鮟康魚肝，油甘魚。全部刺身都非常新鮮亦都好肥美！特別係手釣甘目鯛！又彈牙又甜！魚皮輕輕被燒焦，有小小焦香！帶子勁甜！比較特別嘅係鮟康魚肝！黑松露蒸蛋好滑，一打開個蓋就已經聞到陣陣黑松露香氣！綠茶冷麵好啱夏天食，一啲都唔漏，每啖麵條都有陣陣綠茶香！幾特別。最後尾呢一個咖啡雪糕好有意外驚喜！雪糕好香好滑，咖啡味亦都好濃厚！中間仲有少少咖啡味啫喱！食落有唔同嘅層！好香好好食！今次食過，客人都讚好！下次一於嚟試吓佢嘅午餐！