Olive ERA (已結業)

🤙《法國大餐》🤙原來喺黃大仙有一個比較特別既商場，今日先見識到，個度有間餐廳環境好舒適，有室內同室外位置可以供客人坐。—————————————————————#生蠔 （Fine de Claire)💰10/1隻$10一隻生蠔幾抵食，清洗得幾乾淨，食落幾有鮮味。#香辣新鮮蟹肉扁意粉 💰186Dinner set 配搭埋餐湯、香脆麵包，同埋香煎芝麻吞拿魚配香芒沙沙。餐湯係椰菜花忌廉湯，飲落唔會好重味精味。吞拿魚配搭香芒沙沙呢隻醬幾特別，食落無腥味。意粉食落少少辣幾惹味，有蟹肉既配搭的確特別正。套餐轉其他飲品可以減$15#宇治抹茶奶昔 💰38好多cream，好邪惡🤤唔飲快啲就好易溶。飲落抹茶味好出，唔會太甜。#西班牙海鮮飯 💰142好多款海鮮，當中有蝦、青口、蜆、魷魚，仲有魚柳。飯既份量都有好多，食落唔會太淋，啲飯吸埋啲汁既精華，好正。#鮮果茶 💰48有熱同凍俾你揀，水果份量都幾多款式，絕對係健康之選。餐廳環境好舒服，牆壁裝修幾靚，整體食物質素中上，同朋友黎食飯都係一個唔錯既選擇。