8090 好時光 (已結業)

好多年前成日同媽咪去天水圍既頌富商埸行街，大左都無乜點去，最近聽朋友講個到翻新左，而家叫T Town，仲開左好多新餐廳，一於去睇下有咩好野食。行下行下，見到一間好有台式cafe風味既餐廳，連個名都好文青feel，超鍾意去台灣既我就決定左入去試試！餐牌好多選擇，有飯有麵有小食，甜品都唔少！由於個日唔係好想食飯麵個類，所以叫左d小食同甜品就算～小食方面叫左鹽酥花枝小丸子、黃金煎餃子同埋紫薯餅。鹽酥花枝小丸子超大粒，炸得好香口，咬落好多彈性，鹽味唔會太重岩岩好，仲好食過係台灣淡水個d炸左好多既花枝丸！黃金煎餃子都大大粒，入面好多餡，咬落去d汁彈哂出黎，juicy～而我最鍾意既就係個紫薯餅，本身以為得2件，點知有成4件，一咬落去熱辣辣，d紫薯餡多到唧哂出黎，成個口都係紫薯味，食多兩件仲好飽肚tim～ 但又一d都唔濟bor！！ 未試過係其他地方食到咁高質既紫薯餅！我呢個紫薯控超滿足！最後叫左個甜品：楊枝甘露，呢到既楊枝甘露就稠左少少，但入面好足料，食落啖啖芒果，好香又唔會太甜，我都覺得唔錯的，可以一試！最重要係呢度環境好舒服～好休閒，食晚餐一流！