塚田農場 (已結業)

今日去左尖沙咀行街，唔知食咩嘅我發現咗一間裝潢幾雅緻嘅餐廳，塚田農場，就決定入去呢度食Lunch。呢間餐廳位於海港城海運大廈2樓，喺呢度食Lunch可以睇到一望無際嘅海景，位置舒適，環境一流，能夠享受到非常正嘅氣氛。我叫咗佢哋嘅Lunch Set，炭燒黑薩摩走地雞御膳。Lunch Set入面包括咗黑薩摩雞肉、沙律、天婦羅、味噌湯同埋米飯。首先食沙律，啲沙律菜幾新鮮，開胃又好食。之後飲味噌湯，味道唔會好咸，幾好飲。之後食咗蝦天婦羅，天婦羅非常香酥鬆脆，大蝦味道豐盈，鮮甜又多汁，沾咗醬汁令天婦羅嘅味道更加豐富，十分美味。最後就係炭燒黑薩摩雞，雞肉來自鹿兒島嘅黑薩摩雞，冇雞肉嘅雪味，肉質彈牙柔軟，雞肉夠瘦無咩脂肪，仲有微微嘅炭香味，非常好食。