影片
更多
2021-04-06
350 瀏覽
最近趕公司project，晚晚加班到好夜，難得有連續幾日嘅嘅長假，雖然唔飛得住，都想離開巿區放鬆心情，就去咗東涌坐纜車去昂坪行吓。晚餐都想延續返呢個relax mood，我哋就揀咗新開嘅東涌Sheraton裡面嘅The Upper Deck Bar & Grill。由東涌纜車站行過去都係15分鐘左右，上到露天平台已經聽到音樂聲，原來有幾間酒吧餐廳喺度，頓覺遠離煩囂。餐廳就係平台嘅最裡面，座位寬敞，坐得舒適，播住經典英文歌，水吧對出有張桌球枱，一位外籍爸爸教緊佢囝囝打波，過程輕鬆搞笑。先嚟兩杯cocktail，【The Upper Deck’s Martini】以伏特加酒，注入蜜瓜、羅勒、檸檬馬鞭草同peach bitters製作，酒味同鮮果味平衡；另一杯【Gin cooler】以Gin酒配泰國青檸葉、青瓜、青檸、香茅同蘇打水，充滿東南亞風情。兩杯cocktail都好適合呢個氛圍去飲，cheers~跟住就到starters～【Maryland Crab Cake】吉列蟹肉薯餅，入面好多蟹肉唔係揸流攤；個醬好有特色，用新鮮香草、芒果沙沙同墨西哥辣蛋黃醬調配。【Fresh Raw Oyste
晚餐都想延續返呢個relax mood，我哋就揀咗新開嘅東涌Sheraton裡面嘅The Upper Deck Bar & Grill。由東涌纜車站行過去都係15分鐘左右，上到露天平台已經聽到音樂聲，原來有幾間酒吧餐廳喺度，頓覺遠離煩囂。
餐廳就係平台嘅最裡面，座位寬敞，坐得舒適，播住經典英文歌，水吧對出有張桌球枱，一位外籍爸爸教緊佢囝囝打波，過程輕鬆搞笑。
先嚟兩杯cocktail，【The Upper Deck’s Martini】以伏特加酒，注入蜜瓜、羅勒、檸檬馬鞭草同peach bitters製作，酒味同鮮果味平衡；另一杯【Gin cooler】以Gin酒配泰國青檸葉、青瓜、青檸、香茅同蘇打水，充滿東南亞風情。兩杯cocktail都好適合呢個氛圍去飲，cheers~
跟住就到starters～
【Maryland Crab Cake】
吉列蟹肉薯餅，入面好多蟹肉唔係揸流攤；個醬好有特色，用新鮮香草、芒果沙沙同墨西哥辣蛋黃醬調配。
【Fresh Raw Oysters】
即叫即開生蠔，細隻咗少少，不過勁fresh；調味汁有香醋汁、雞尾酒醬汁及檸檬角，各有風味。
主菜
【Hanger Steak Prime 7oz】呢度亦有熟成牛肉食～跟一款配菜同醬汁。配菜叫咗松露芝士通心粉，上面一層烤焗鬆脆芝士粉，好正～熟成牛肉肉汁豐富鮮嫩，我哋配阿根廷青醬，味道清新，同牛肉好夾。
【Seabass】香煎鱸魚柳，配美式粟米沙律，醬汁係甲殼海鮮醬汁。雖然係用煎但食出嚟好似烤出嚟咁香，魚肉勁嫩滑，鮮味十足。
美食+輕鬆愜意嘅氛圍，美好嘅時光～今日過得好愉快～
張貼
