農場鮮奶有限公司

營業中

休息中

難得細佬今日放假，可以帶我同屋企人去偏遠少少既地方郊遊。今次就去左雷公田同石崗軍營附近。到左行左一陣，就帶左我地去遠近馳名既農場鮮奶有限公司。呢間類似士多形式，有好多張圓枱擺曬出黎，我地一搵到位就即刻排隊，叫左最出名既雙皮奶，芒果布甸同鮮牛奶。佢既雙皮奶好香奶味，入口都好滑下，而芒果布甸都濃味足料，不過就細杯左少少，牛奶就坦白講同超市十字牌牛奶分別不大。最值得讚既其實唔係食物，而係環境，係郊外行到好熱好攰，可以抖一抖，食返少少凍野，真係好享受。而且仲有好幾隻羊仔係欄入邊，小朋友仲可以餵佢地，見到特別興奮，所以呢度一邊享受大自然，一邊食野醫下肚補充體力，真係好好既選擇。