鉄人旨花

營業中

休息中

朋友講咗好耐話想去銅鑼灣食鐵人旨花，今日終於得閒同佢嚟啦上到餐廳見佢分開兩邊一邊食鐵板燒一邊食omakase而我哋梗係食鐵板燒啦，我哋揀咗龍蝦鐵板燒套餐。前菜係藜麥酸汁沙律，酸酸甜甜幾開胃第二款係汁煮白雪魚，佢嘅汁有啲似西京汁醬汁微微帶甜，配上嫩滑魚肉非常惹味食完普通野黎到重頭戲龍蝦，新鮮龍蝦大大隻，見住師傅整非常吸引龍蝦都有得揀生熟，我同朋友都同師傅講了生少少龍蝦新鮮肉質彈牙，配上海膽汁兩重鮮味非常好食食完龍蝦就到A5和牛啦和牛五成熟，有三種食法，可以配海鹽、可以配芥末、亦可以配蒜片。而我最鍾意都係配海鹽嘅食法，和牛脂肪比例高入口即溶非常香口如果唔夠喉仲有一個和牛粒炒飯，米粒香軟、粒粒分明，而且每啖都有唔同食材，口感非常好。黎到最後，仲有一個帶子清雞湯。帶子非常鮮甜，雞湯夠清又夠生，鮮味十足。