影片
更多
2018-12-09
149 瀏覽
男友係銅鑼灣預約了鮨川日式料理店。一入去已經俾店內簡潔又雅致既日式風格所吸引。四處亦擺放了小松樹感覺很悠閒寫意。男友說 omakase意思即係廚師發辦，選用既食材都係選用當季新鮮的食材與對廚師手藝的信心。呢一餐我地都食得很安靜。因為師傅係我地既面前製作料理。無論係捏壽司飯、刀工之純熟都超乎想像！每一道菜色也可說是色、香、味與視覺的享受。真係超正！首先係前菜三點：前菜一上菜已經俾咁靚既裝飾所吸引。經師傅介紹我們由鴨胸、再到明太子，最後食海膽。鴨胸用上柚子醬帶出了鴨肉味之外仲散發住淡淡既柚子清新感。而明太子被師傅製作成小西瓜的樣子。賣相超吸收亦盡顯心思。最後是小妹既摯愛海膽。海膽鮮味十足，入口即溶。配上魚子的點綴，恰恰增添了海膽的鮮味。食完前菜，便到了壽司部分。師傅係我地面前製作壽司，真係有種鬼斧神工既感覺。師傅捏壽司飯用的是感覺。而且手法超純熟。每一樣壽司都賞心悅目。魚生新鮮，即使魚肉保持於室溫亦不會有腥味。最令我印象深刻既一定係赤貝。最主要係師傅製作時既刀工而留下深刻印象。首先切開再用力拍了兩下。赤貝如同有生命般如花般盛放。而深海池魚就係小妹愛食既其中一種魚類。深海池魚非常鮮甜爽口，配
一入去已經俾店內簡潔又雅致既日式風格所吸引。四處亦擺放了小松樹感覺很悠閒寫意。
男友說 omakase意思即係廚師發辦，選用既食材都係選用當季新鮮的食材與對廚師手藝的信心。
呢一餐我地都食得很安靜。因為師傅係我地既面前製作料理。無論係捏壽司飯、刀工之純熟都超乎想像！每一道菜色也可說是色、香、味與視覺的享受。真係超正！
首先係前菜三點：
前菜一上菜已經俾咁靚既裝飾所吸引。經師傅介紹我們由鴨胸、再到明太子，最後食海膽。
鴨胸用上柚子醬帶出了鴨肉味之外仲散發住淡淡既柚子清新感。
而明太子被師傅製作成小西瓜的樣子。賣相超吸收亦盡顯心思。
最後是小妹既摯愛海膽。海膽鮮味十足，入口即溶。配上魚子的點綴，恰恰增添了海膽的鮮味。
食完前菜，便到了壽司部分。
師傅係我地面前製作壽司，真係有種鬼斧神工
既感覺。師傅捏壽司飯用的是感覺。而且手法超純熟。
每一樣壽司都賞心悅目。魚生新鮮，即使魚肉保持於室溫亦不會有腥味。
最令我印象深刻既一定係赤貝。最主要係師傅製作時既刀工而留下深刻印象。首先切開再用力拍了兩下。赤貝如同有生命般如花般盛放。
而深海池魚就係小妹愛食既其中一種魚類。
深海池魚非常鮮甜爽口，配上小小的醬油點綴。超美！
之後就係最經典既海膽壽司。海膽超大板、超肥美，入口即溶。紫菜仲好脆身。而小妹最欣賞既係海膽壽司的賣相，好骨子。連平時唔食海膽既男友都讚不絕口。
食左四件壽司之後，餐廳就上了海鰻天婦羅。
海鰻經輕炸外層變得酥脆，肉質依舊細嫩。
牡丹蝦真係好肥美，配上蝦子作點綴。食落彈牙又爽甜。
帶子真係好大塊又鮮甜。配合即磨清新的柚子皮與胡椒提升了味道的層次。
喜之次真係好少見。佢既肉質比較幼嫩又肥美。入口魚脂味十足。岩曬鐘意食重口味既小妹呀。
經火炙的金目雕魚肉鮮嫩又能食到微微燒焦的魚皮。顏色鮮豔，賣相十分可口。
之後就到了小妹最最最鐘意食既拖羅！拖羅魚脂如雪花般均勻分布。入口魚香香濃。配以青蔥調味。讚！👍🏻👍🏻👍🏻
蜆清湯蜆肉肥美，鮮味十足。
富有柿清清甜甜，果肉鮮甜。賣相精緻，富有禪意。
呢餐真係令我大開眼界。食物選料上尚，賣相精緻吸引。師傅手巧且在食物花盡心思。真係一場視覺享受既omakase盛宴。
張貼
