影片
更多
2008-09-01
10 瀏覽
31-8-2008又到「一月一會」的 8 月生日飯, 今次一行 11 人0黎到呢間「霸王山莊」. 由佢0地拍板叫0野食, 菜色以京滬為主, 份量偏細, 味道唔差, 但幾係「香港化」, 感覺一般:- 五色併盤 (醉轉彎, 麻醬雞絲, 粉皮青瓜, 牛(月展), 白肉): 掛住搞機, 結果唔夠搶 , 只食了兩件醉轉彎 -- 酒味淡薄, 食落似凍食白切雞, 麻麻.- 京蔥牛肉: 唔夠鑊氣又唔多夠熱, 梳打牛肉腍腍的, 配上淡味京蔥, 麻麻. 唯一好處, 應該係唔油膩?- 賽螃蟹: 叫「清炒蛋白」比較貼切, 蛋黃俾得太少, 淅醋淡口, 食落淡出個鳥來.- 小籠包: 面皮幾厚, 不過湯汁夠, 肉餡亦鮮, 算 ok 啦.- 蒸銀絲卷: 無食, 不過朋友 mit 開碌0野後發現入面係有一條條的, 比起扮銀絲卷的長形饅頭, 算幾對辦啦.- 松子魚: 酸甜0野0岩晒我, 不過呢碟就唔係咁0岩我了 -- 條魚算新鮮, 不過炸得唔夠脆, 硬硬的感覺一般; d 汁落了粒粒罐頭 peach, 夠甜酸, 但實在太杰了, 漿糊一樣叫人點食?- 湯浸百頁 + 白菜仔 (?): 又一清淡之選, 食0左都
又到「一月一會」的 8 月生日飯, 今次一行 11 人0黎到呢間「霸王山莊」. 由佢0地拍板叫0野食, 菜色以京滬為主, 份量偏細, 味道唔差, 但幾係「香港化」, 感覺一般:
- 五色併盤 (醉轉彎, 麻醬雞絲, 粉皮青瓜, 牛(月展), 白肉): 掛住搞機, 結果唔夠搶 , 只食了兩件醉轉彎 -- 酒味淡薄, 食落似凍食白切雞, 麻麻.
- 京蔥牛肉: 唔夠鑊氣又唔多夠熱, 梳打牛肉腍腍的, 配上淡味京蔥, 麻麻. 唯一好處, 應該係唔油膩?
- 賽螃蟹: 叫「清炒蛋白」比較貼切, 蛋黃俾得太少, 淅醋淡口, 食落淡出個鳥來.
- 小籠包: 面皮幾厚, 不過湯汁夠, 肉餡亦鮮, 算 ok 啦.
- 蒸銀絲卷: 無食, 不過朋友 mit 開碌0野後發現入面係有一條條的, 比起扮銀絲卷的長形饅頭, 算幾對辦啦.
- 松子魚: 酸甜0野0岩晒我, 不過呢碟就唔係咁0岩我了 -- 條魚算新鮮, 不過炸得唔夠脆, 硬硬的感覺一般; d 汁落了粒粒罐頭 peach, 夠甜酸, 但實在太杰了, 漿糊一樣叫人點食?
- 湯浸百頁 + 白菜仔 (?): 又一清淡之選, 食0左都唔記得 tim...
- 欖菜肉鬆四季豆: 四季豆夠爽脆, 不過就同淡口欖菜肉鬆各自各精彩.
- 津白肉絲蝦仁炒年糕: 又係淡口0野, 可幸年糕夠煙韌.
- 紅油抄手: 一客 4 隻, 賣相如瘦身版廣東水餃, 肉餡幾鮮美; 分開上的所謂「紅油」完全唔辣, 帶少少麻油及蒜香, 味如甜豉油, 對食唔得辣0既我0黎講, 味道不錯啦.
- 片皮鴨 (兩食): 賣相幾靚, 食落麻麻 -- 皮濕濕的, 唔香唔脆, 咬得辛苦;「薄餅」厚得似 kebab 皮 (!!), 大蔥/青瓜供應得太少, 唯有蘸多 d 烤鴨醬啦. 炒鴨鬆就原來係配薄餅的 (仲以為生菜包 tim), 鴨鬆乾身, 食落無乜味道, 結果又要自行落了 d 烤鴨醬送薄餅.
- 仲有一鍋菜飯, 填0下肚不錯啦. (味道係點? 唔記得!)
- 甜品揀了桂花酒釀丸子, 食落帶淡淡桂花香, 酒味夠, 丸子夠煙韌, 幾好食.
- 試了一件 share 食的高力豆沙, 熱辣辣好 fluffy, 豆沙餡份量唔多不過夠香甜, 不錯.
- 又試了一件 share 食的杞子桂花糕, 賣相十分晶瑩剔透, 食落就只有淡淡的甜味, 一般.
- 另一 share 食的豆沙鍋餅就無試到, 不過朋友們話層皮唔脆又似「豆沙酥餅」多 d, 唔食應該唔係損失?
環境乾淨好坐, 亦俾人幾 「豪裝」的感覺; 店員們有求必應, 招呼 ok.
連加一及切餅費每人約 $145, 有一半係食環境的, 抵唔抵食真係見仁見智. 不過同朋友嘻嘻哈哈又一晚, 都幾開心的.
張貼
