漁牧 (已結業)

平時如果諗唔到去邊度食飯，就會去megabox開餐😆因為呢度實在有好多餐廳選擇，同時又唔使人逼人，正👍今日食咗位於13樓嘅漁牧，不得不提佢嘅環境真係超舒適，裝修靚，樓底高，勁闊落，私隱度又高，真係好適合約埋三五知己一齊嚟👍火熱香辣味烤清江魚揀咗清江魚，貪佢夠肉厚又唔多骨，魚表面煎香過，魚肉嫩滑，香辣汁唔會太辣，但勁香又夠麻，好過癮😋 仲有海帶同薯粉，索完汁再食，好好味😋😋青瓜拌海蜇青瓜爽脆，海蜇爽彈又厚身，配埋醋汁，好開胃👍麻辣腎片呢個腎片真心好好味，腎片醃過帶少少甜，同樣配咗青瓜，個汁酸酸辣辣，食到停唔到口😆魚湯浸生菜魚湯煲到奶白色，好清甜，生菜每片都好大塊，明顯係有用心揀過👍👍茘枝番石榴沙冰勁大杯，番石榴味幾出，唔會過甜，配烤魚一流👍青檸柚子冰味道清新，仲可以叫小甜，解辣啱晒😆