京林屋 (已搬遷) 新店位置

早幾日同幾位朋友0係希慎食完晚飯，見時間早早地，京林屋又唔洗排隊，大家可以坐低食甜品，兼傾多一陣計，於是就入左去！我地每人叫左一個甜品～♥ 焙茶餡蜜 ♥京林屋係焙茶始祖，所以一定要點呢個！焙茶雪糕味道比抺茶較淡，不過配上紅豆、白玉同寒天就好有口感 =]如果鍾意食得甜D，可以加番少少側邊既黑糖醬，味道會更好～ ♥玉露 - 紅豆白玉 ♥入口有玉露獨特既甘甜香味，飲用過既茶葉，還可以配柚子醬品嘗。玉露精選配有蕨餅、紅豆、白玉作組合，享用高級甜點後，再飲用玉露，係好特別既體驗，非常值得一試。PS. 聽職員講，玉露係日本屬於非常高級既茶種，產量極少，而且營養價值非常高 =] ♥ 特製林屋抺茶餡蜜 ♥超中意煙煙韌韌既蕨餅！！當蕨餅配上小丸子、紅豆，再加埋抹茶味濃郁既果凍同香滑抺茶雪糕，口感非常豐富！ ♥ 法式聖馬克抺茶蛋糕 配玫瑰蘋果煎茶 ♥聖馬克抺茶蛋糕外表好有層次感，食上口味道有多重口感，質地好扎實，唔會鬆軟；而抹茶味都相當突出，配上紅豆、mochi 同抹茶雪糕，一次過滿足好多願望～ 呢個法式聖馬克抺茶蛋糕有得跟餐，朋友配上玫瑰蘋果煎茶～茶具設備十分齊全，附上指示教大家點泡茶，而且仲附有計時器