影片
更多
2023-05-27
6097 瀏覽
女友小熊生日去咗旺角意粉屋食晚飯，完全唔掂! (見另文) 相信繼老麥同老鄉雞之後，第三間拒絕幫襯嘅黑名單中!第二晚即刻落九龍城食清真牛肉餅! 希望去間有質素嘅餐廳補償一下心靈損失!對上一次幫襯已經係兩件前嘅事，上網睇睇先知道已經搬咗落同區另一個更大面積嘅店舖，空間比舊舖闊落一倍! 坐得更舒服!牛肉餅係必點，另外麻油雞，清真小籠包，酸辣湯同京燒羊腩各一客!麻油雞雖然麻油味唔夠突出，但雞肉同雞皮口感嫩滑非常，好過不少燒味店D油雞白切雞!習慣食小籠包嘅爆汁係清湯，清真小籠包嘅湯汁有D似豉油顏色，味道同平時食開高質素小籠包無太大分別，當然小心熱到辣咀!酸辣湯比想像中辣，小熊話一D都唔辣，當然啦! 佢已經係一隻辣椒嘛! 酸辣湯係先酸後辣，辣味比酸味重，但未至於勁辣，而酸辣湯足料，滿意.牛肉餅同小籠包一樣，湯汁同樣顏色偏深，牛肉餅同以前一樣,爆汁! 牛肉餅好熱，餅內餡料都好熱，而且都係食到爆汁，雖然已經小心進食.最驚喜係京燒羊腩，相先羊騷味不大，但羊腩肉質非常鬆軟又 Juicy，最難得係羊腩連帶小小羊軟骨，果D軟骨先經典，少少冧身少少脆口但唔硬，可惜份量太少! 唔夠喉呀!原本想話先行去街頭鴻興同三
第二晚即刻落九龍城食清真牛肉餅! 希望去間有質素嘅餐廳補償一下心靈損失!
對上一次幫襯已經係兩件前嘅事，上網睇睇先知道已經搬咗落同區另一個更大面積嘅店舖，空間比舊舖闊落一倍! 坐得更舒服!
牛肉餅係必點，另外麻油雞，清真小籠包，酸辣湯同京燒羊腩各一客!
麻油雞雖然麻油味唔夠突出，但雞肉同雞皮口感嫩滑非常，好過不少燒味店D油雞白切雞!
習慣食小籠包嘅爆汁係清湯，清真小籠包嘅湯汁有D似豉油顏色，味道同平時食開高質素小籠包無太大分別，當然小心熱到辣咀!
酸辣湯比想像中辣，小熊話一D都唔辣，當然啦! 佢已經係一隻辣椒嘛! 酸辣湯係先酸後辣，辣味比酸味重，但未至於勁辣，而酸辣湯足料，滿意.
牛肉餅同小籠包一樣，湯汁同樣顏色偏深，牛肉餅同以前一樣,爆汁! 牛肉餅好熱，餅內餡料都好熱，而且都係食到爆汁，雖然已經小心進食.
最驚喜係京燒羊腩，相先羊騷味不大，但羊腩肉質非常鬆軟又 Juicy，最難得係羊腩連帶小小羊軟骨，果D軟骨先經典，少少冧身少少脆口但唔硬，可惜份量太少! 唔夠喉呀!
原本想話先行去街頭鴻興同三禾睇吓D頭盔同電單車用品，但係一落巴士已經係清真牛肉，店舖門口又見無咩人排隊，咪沖入去幫襯囉，食完走出嚟已經30幾人係門口排隊人山人海，真好彩!
麻油雞
102 瀏覽
0 讚好
0 留言
酸辣湯
338 瀏覽
1 讚好
0 留言
清真小籠包
97 瀏覽
0 讚好
0 留言
牛肉餅
98 瀏覽
0 讚好
0 留言
京燒羊腩
104 瀏覽
0 讚好
0 留言
張貼
