京香閣 (已結業)

位於無限極廣場的『京香閣』，有非常抵食嘅燒味飯外賣。4草野有黑豚肉叉燒飯，海南雞飯或燒腩仔飯，仲跟一碗醇厚老火湯，性價比非常高。食咗佢完全返唔到轉頭去食連鎖集團。黑豚肉叉燒飯，料頭夠哂大塊，叉燒半肥瘦，肉質軟熟有肉香。蜜汁撈埋少少豉油，非常下飯。一旁的老火例湯亦唔簡單，味道係酒樓晚市嘅級別，好過大部份茶記和燒味店。燒腩仔最重要係舊豬腩肉嘅質素。呢度用肥瘦相間嘅五層肉，而且無『豬』味，應該係上等貨色。豬皮亦燒到脆卜卜，蘸少少芥末醬已經係人間美味。我喺中上環食過唔少燒味鋪，呢間真係唔錯。希望可以保持水準。