影片
更多
2023-06-14
409 瀏覽
最近酒樓做緊晚市優惠，有$10一隻燒雞，於是就帶媽媽兩個人試一試。酒樓位置方便，地鐵站3分鐘路程，方便一家大細。我地平日夜晚7點到，唔算好爆，樓面好貼心，安排咗相對較靜嘅位置俾我地。入到酒樓，感到人情味濃、令人放鬆嘅環境。「靚湯孖寶」（$398）（⭐⭐⭐⭐⭐）酒樓做緊好多套餐優惠，仲可以配合晚飯優惠。我地叫咗「靚湯孖寶」，有冬瓜盅同西澳龍蝦伊麵。冬瓜盅十分大個，適合4-6人飲。依排天氣酷熱，真係不二之選！不得不讚係個湯用料十足！有蝦球、帶子、草菇、雞肉等等。冬瓜肉軟熟鮮甜，充滿湯水，非常適合食得清淡嘅各位。酒樓所選既冬瓜亦十分出色，除左味道十足之餘，瓜肉亦十分厚身，淨係刮d瓜肉都起碼有5、6碗，超級滋味。龍蝦伊麵同樣有驚喜，龍蝦大大隻足一斤，非常厚肉，要用刀叉切絕對唔誇張，唔係另外酒樓細細隻既波士頓龍蝦size！部長問我地洗唔洗幫手拆肉，我地都婉拒了，多謝佢嘅細心。龍蝦先經油炸，令肉質更突出本身的鮮甜味。龍蝦係魚缸即場挑選的，保證新鮮。伊麵同樣出色，麵底完全吸收了上湯的精華，真係好食到食唔停！脆皮飛天雞（$10） （⭐⭐⭐⭐💢）上菜一刻霸氣十足，將成隻雞插在鐵通上，燒至金黃色，雞油不時
「靚湯孖寶」（$398）（⭐⭐⭐⭐⭐）酒樓做緊好多套餐優惠，仲可以配合晚飯優惠。我地叫咗「靚湯孖寶」，有冬瓜盅同西澳龍蝦伊麵。
冬瓜盅十分大個，適合4-6人飲。依排天氣酷熱，真係不二之選！不得不讚係個湯用料十足！有蝦球、帶子、草菇、雞肉等等。冬瓜肉軟熟鮮甜，充滿湯水，非常適合食得清淡嘅各位。酒樓所選既冬瓜亦十分出色，除左味道十足之餘，瓜肉亦十分厚身，淨係刮d瓜肉都起碼有5、6碗，超級滋味。
龍蝦伊麵同樣有驚喜，龍蝦大大隻足一斤，非常厚肉，要用刀叉切絕對唔誇張，唔係另外酒樓細細隻既波士頓龍蝦size！部長問我地洗唔洗幫手拆肉，我地都婉拒了，多謝佢嘅細心。龍蝦先經油炸，令肉質更突出本身的鮮甜味。龍蝦係魚缸即場挑選的，保證新鮮。伊麵同樣出色，麵底完全吸收了上湯的精華，真係好食到食唔停！
脆皮飛天雞（$10） （⭐⭐⭐⭐💢）上菜一刻霸氣十足，將成隻雞插在鐵通上，燒至金黃色，雞油不時滲出，真係流晒口水！隻雞份量夠我地兩個大快朵頤，一手揸雞髀，一手食雞胸，每一啖都肉汁滿滿，十分惹味！
整體十分良好的用膳體驗，媽媽好滿意，樣樣都啱佢胃口，黎緊父親節餐廳都有好多優惠，大家亦可考慮帶家人黎聚一聚。~~~~~~~~~~~~~~~~~~~~~~~~~~
京都大酒樓 黃大仙龍翔道110號豪苑商場2樓1A-B號舖
👍地點方便
👍傳統滋味
👍抵食之選
張貼
