泰發泰國餐廳

營業中

休息中

今日去左九龍城揾食地道泰國菜，朋友推薦這一間，店舖設計簡單的小店，入面所有侍應都是泰國人來的，而且價錢實惠貼地，物有所值，都見到同一條街有2間。椰青: 好清甜，新鮮多水，椰子肉都好易拆來食，聽人講椰子肉唔實就係新鮮喇！啖啖肉吃光光都飽幾成。哈哈，我同朋友都係愛吃菜之人，專登叫不同泰式炒法嘅兩款菜試試。泰式炒椰菜苗(上): 這個不太辣而且味普通一點，而上面鋪滿了炸蒜蓉香口點。馬拉盞炒飛天通菜(下): 有埋洋蔥多汁又辣啲，我自己比較喜歡食呢個多啲，好香口。冬陰公湯: 足料冬陰公湯，好多秀珍菇同大蝦，而且味道適中不會太油，2人食點小碗份量便可。鐵板蠔仔炒蛋: 蠔仔份量夠多又新鮮，底舖滿左芽菜，蛋炒至金黃色點埋醬汁食一流。果然係招牌菜。芒果糯米飯: 五色糯米飯🍚賣相都夠靚，而且芒果都好鮮甜再加埋甜甜的椰漿，無懈可擊，不同顏色的糯米飯有不同的口感。這間地道平民小店價錢大眾化值得一食，正宗泰國菜，好食。