如月居酒屋

營業中

休息中

喺旺角發現間親民嘅居酒屋，貧民價錢食到高質日式料理，前菜、小食、刺身、壽司、主食等。店內環境唔大，簡單木系設計，牆上掛滿各式各樣嘅壁畫，店員服務態度友善，經過可試。前菜有蟹籽沙律同流心雞蛋薯仔沙律，前者冰涼開胃，醬汁唔算好多，感覺更健康、後者反而有驚喜，賣相一流，好打卡able，薯仔軟熟，沾滿醬汁，越食越上癮，不過份量偏少要爭住食😗蟹柳細卷切開為六小件，壽司飯已調味，十分貼心，一口一粒，啱晒小朋友食。私心推介日式炒野菜，滿滿一碟，多款蔬菜炒至而成，新鮮又唔油、主食有三文魚蟹籽炒飯，粒粒分明，口感豐富，味道清淡，下次試埋烏冬。