船皇 (謝斐道) (已結業)

天氣又濕又熱，無胃口食飯，係銅鑼灣去左間親民抵食的泰國菜館食碗「船皇車仔麵」就最好不過!《船皇》係一家泰國過江龍，主打船麵，食物地道之餘仲好抵食!船皇車仔麵 $56第一次食「泰式車仔麵」，除左正宗船皇湯底之外，仲有沙爹湯底，柱候牛腩汁湯底及清雞湯。四款湯底，四款麵條，廿七款配搭食材，多過100種配搭比你選擇! 我地揀左四餸一麵都係 $56，十分抵食，四餸有「蘿蔔」、「豬肉丸」、「枝竹」和「豬紅」。湯底揀咗「正宗船皇牛骨湯」，好香好濃郁，四餸份量好足，吸左湯底好入味! 麵條揀左金邊粉，好幼好滑身，仲好掛湯!牛魔王串燒拼盤 $88叫得牛魔王當然係全牛啦! 有牛柳粒、牛舌、沙嗲牛肉串各兩串，配埋泰式燒烤醬，燒得非常香口惹味，最愛牛柳粒好有咬口。船皇小食拼盤 $38小食拼盤 $38就有齊雞翼、炸春卷、雲吞皮同炸豬皮四款，真係超級抵食! 單骨雞翼炸得十分酥脆，好香口好惹味，配上泰式甜酸醬，食落仲好方便! 炸春卷、雲吞皮同炸豬皮都炸得非常鬆脆，從泰國直送的炸豬皮最特別，入口超級脆卜卜!泰式秘醬通菜 $14$14食個泰式通菜，超級抵啦! 個秘醬汁好特別，有少少酸甜又有少少辣，好開胃仲可以解下油膩。泰