日本料理「和亭」 (已結業)

壽喜燒唔多地方會有得食，和亭絕對係其中一個我會去既地方。和亭既壽喜燒絕對係一個又平又滋味的料理。 不過，有啲奇怪既就係呢間分店係放晒所有既食料落個煲，然後一次過上枱。缺少左自己煮既樂趣，所以呢個服務反而稍稍畫蛇添足。 講番個主食先，牛肉薄身嫩口，食落口唔會覺得好有咬口，一下子就滑入喉嚨。其他配料亦都不過不失。最鐘意既部分一直都係佢個湯底，甜甜地用來配飯食實在係一等一。 PS 大家食牛肉個陣，可以試下隻生雞蛋，將煮熟的牛肉混混啲蛋再食，口感更滑亦更鮮甜。