日本料理「和亭」 (已結業)

日本的居酒屋文化在1950年代開始，戰後生活艱辛，日人以家庭式開辦前舖後居模式的小食店，以賣酒維生，伴以串燒等小食 。日本的大男人喜到居酒屋遣興，以應酬少為恥，所以居酒屋成行成市。和民集團創辦人渡邊美樹開創居食屋，結合了居酒屋和餐廳，增添食物種類，吸納女士，家庭和年青人光顧。和民把平價日本菜文化帶來香港，已有16年。近年發展更年青化，大衆化的和亭。食品多元化，壽司，拉麪，刺身，天富羅，定食，丼，冷蕎麥麪，咖哩，甜品……都有，並有一定水準。較多人點選的是壽喜燒(日式煲仔菜/火鍋)和鍋燒(如牛肉烏冬)；用了火爐上檯，所以港人喜愛。我喜愛的海老天富羅丼，珍珠米香軟，疏菜種類多至6種，炸得很好，有和民居食屋水平。2017年已革新餐牌。午餐加18元(晚市25元)可加小天富羅丼，有蝦有疏菜，類似選擇不少。宜加入白飯。平價追加這方面似吉豚屋，因吉豚屋食物種類少，我評級為和亭之下。加入韓國菜元素。有泡菜豚肉，五色石鍋飯。飲品免費供應(下午茶餐，17:30後晚市除外)，任飲任添，誠意勝於稻香。早餐較多人食燒鮭魚，今早我冒險試點和風壽喜燒。須批評的有:1 飯太硬!店員只有2人，估計因人手不足，飯離開飯煲太

昨日同事請我食生日飯，提議去呢間食午餐。日本野荔枝角的選擇又不多，价錢合理亦不多。這裡午餐任飲，同事飲左三柸，好似好抵。我選擇食壽喜燒(其實好多人叫58蚊牛肉煱，又不算貴)。我們會再去。

因近來吃得多西餐廳，今晚選了在家附近以日式食物為主的食店吃晚餐，因是平日，不用等位，而這食店已改用了平板電腦落單，最後選了一個店長推薦的2人餐，有五款食物加飲品放題即任飲，有汽水、果汁、特色咖啡、綠茶和奶茶等等第一道菜上是凱撒沙律，沙律内加了些肉、碎包而菜也新鮮，大大地帶起了我的胃口，第二個滑蛋豬柳，有點鹹而味也不夠香口，第三個是意大利風薄切鲑魚，用了些洋蔥作伴，無乜味，賣相雖好但入口無感覺，第四個是薯仔年糕餅，入口煙韌而帶點薯香，還可配牛油一起吃，超級絕配，最後是一個韓國泡菜豚肉丼，將所有材料攪拌後吃，非常香口美味帶少許辣，正。

三個月前去過韓國後, 我已經愛上韓國菜，一直尋覓一間價錢相宜, 吃的東西又夠潮的韓食店, 不用大夥兒去食, 食物質素也不錯。我之前去過和亭，最近在朋友想試下韓式餐廳，立即約了兩個朋友去朝聖。從茘枝角地鐵站出口是宇睛軒廣場, 前行就到和享, 原以為這區的商場餐廳午餐必是很多人, 這間餐廳午餐不消等一久已經有座位, 真是幸運。我品嚐了泡菜豚肉丼，這是一個套餐，包括湯，沙拉和套餐飯。泡菜飯紅紅綠綠，一直深愛它的味道，我對韓國醬汁有情義結，甜甜辣辣，滋味可囗。紫菜，涼菜，泡菜混合熱騰騰的飯，氣味和顔色已經引起食慾，一口接一囗，每一口也美味，嫌醬汁不夠，再多一點會加多一分滋味。

壽喜燒唔多地方會有得食，和亭絕對係其中一個我會去既地方。和亭既壽喜燒絕對係一個又平又滋味的料理。 不過，有啲奇怪既就係呢間分店係放晒所有既食料落個煲，然後一次過上枱。缺少左自己煮既樂趣，所以呢個服務反而稍稍畫蛇添足。 講番個主食先，牛肉薄身嫩口，食落口唔會覺得好有咬口，一下子就滑入喉嚨。其他配料亦都不過不失。最鐘意既部分一直都係佢個湯底，甜甜地用來配飯食實在係一等一。 PS 大家食牛肉個陣，可以試下隻生雞蛋，將煮熟的牛肉混混啲蛋再食，口感更滑亦更鮮甜。

今日同同事去昇悅嗰邊和亭食! 見到佢裝修過吓, 多咗個自助飲品吧! 除咗有汽水橙汁外, 仲有無糖凍奶茶(可自己加糖漿)仲有好多款茶飲, 有特定杯泡茶有咖啡機, cappacino或regular 全用咖啡豆!!正最後講番個餐, 我叫咗壽喜燒, 算係呢度出名主打既餐單, 雖然材料一樣, 但係以前會有職員教你先炒一炒牛肉, 然後再倒進指定上湯煮, 成件事吸引好多又互動! 但係依家只係成煲上....冇哂感覺要鬧既係呢碗鰹魚湯(係同事的)好似滾水咁,仲要冇咩味! 同職員講, 佢好似覺得我哋唔識嘢咁! 佢話係咁架喎, 唔肯幫我哋換, 我唔理啦, 你當我唔識嘢, 我剩係識得分好味唔好味囉

我好鐘意食飯，之前只有吉X家早上至提供白飯，而加和亭都有啦！每次去日本旅行0的酒店食早餐，我都一定係揀食飯，因為日本米好好食。早上食飯真係會令你充滿力量，又夠飽肚。次次我都係食呢個三文魚飯SET，件三文魚都唔細架，煮得又唔會太乾身，配埋白飯食真係好開胃。呢到0的白飯都採用日本米。呢個SET只係HK＄36，入面除左三文魚同飯之外，仲有少少前菜，一件仔甜蛋，一份沙律，兩件仔豆腐同埋一碗仔湯。每一樣我都覺得幾好食，唔會太花巧，啱哂一朝早食。呢到仲要有DRINK BAR比你自己整野飲，又多選擇喎！咖啡、奶茶、果汁、鮮檸檬片樣樣齊，仲要係免費兼無限添飲。星期一至五黎食真係好正，人唔算多，坐得舒服，0的人應該食完都要趕住返工，所以好快走。但我試過有一次星期六黎食，因太多人0既關係，食物遲左至送黎，食物量又少左，仲有0的凍。而DRINK BAR就唔夠柸提供，我估應該係洗唔切。總之整體表現無平日咁好。

黎到荔枝角梗係去D2 Place lalalaaa不過次次行完都想搵個地方坐低食下野和亭d野又飽肚又好味首先講講個豬肉飯燒汁好甜好正，d肉一d都唔硬，好爽然後d壽司，魚生薄左少少，帶子好有鮮味個石鍋飯就正，勁多肥牛，少少辣椒係面鍾意食辣既就撈埋一齊食，香香地唔太辣唔鍾意食辣既筆走佢又得野飲加10幾蚊就可以任飲可樂芬達乜乜乜都有想食日本野就黎試下喇

日本飲食集團"和民Watami"創立於1984年，目前已經擁有國內約600家、國外約100家各種形式的店鋪。為了讓更多地方的顧客能夠更便捷、更實惠地品嘗集團的獨創美味，集團開發了走平價路線的日本料理店品牌"和亭"。雖說"和亭"是走平價路線的連鎖餐廳，可是食物質素卻跟"和民"沒有兩樣，甚至覺得有點物超所值。"和亭"在保持日本"和民"風味的基礎之上，盡可能地使用當地食材，提供過百款價錢大眾化的精選日本菜式，包括定食、刺身、壽司、石鍋等。香港地區的主打包括生魚片、壽司、石鍋、天婦羅等等。除了料理以外，從裝修到店內所有元素都保持Watami的一貫風格。午市御膳定食套餐 (包括主菜 + 湯 + 沙律 + 前菜 + 任飲自助飲品吧)照燒蒜香雞扒定食 HK$63 (包括主菜 + 湯 + 沙律 + 前菜 + 任飲自助飲品吧)蒜香雞扒用熱辣辣的鐵板上桌，使雞扒的色香味更上一層樓，非常好吃

黎到荔枝角就會諗起呢間和亭次次黎都食 因為下午茶好抵食呢間好特別 冇職員企係到 所以要等好耐先叫到人落單今次有啲吾同左多左個自助吧自己斟野飲有好處有吾好處啲冰佢用個盤裝 溶灑冇得飲凍奶茶下午茶餐雜菌牛肉滑蛋鍋定食 $53 飯太硬了 沙律酸酸地幾開胃小菜好似係蘿蔔 吾岩胃口 味道特別味噌湯 一般雜菌牛肉滑蛋 好失望吾係全部蛋 佢係一半豆腐一半蛋煮得太耐太乾身 佢蛋同豆腐係分開一左一右 所以食落吾好食 牛肉食落好似豬肉咁 冇牛味 又硬大盛牛肉壽喜燒定食 $58 呢個最岩我 有得玩有得食職員上餐時 上左兩份牛肉 我就好奇問點解有兩份既以前一份嫁 個職員就話係呀 依嫁轉左兩份 因為我見個價錢同以前差吾多 就不以為然咁餐牌上有兩個價錢 一個38蚊 一個58蚊 咁38蚊冇寫有牛肉 便叫了一份58蚊有寫牛肉的點知隔離台叫同樣既餐 原來38蚊係有牛肉 希望餐牌寫清楚一點兩碟牛肉 一碟超肥 一碟超瘦 一啲都吾均勻 每碟都跟一舊肥豬膏有菜類比你燒完肉加湯打邊爐 今次既湯低太咸了未煮到淋灑啲野 菜已經好咸 仲跟左一隻生蛋

和亭跟和民同一集團, 而和民一定比和亭有更多人認識, 但其實我未試過和民, 因為其實有點怕去居酒屋格局, 每款食物細細碟要點很多碟, 有時一班人去食就不懂預份量。一次經過和亭見到有個「豪華4人套餐」, 有齊前菜沙律、主食丼飯烏冬、壽司拼盤、天婦羅、鍋物、燒魚及飲品或甜品, 份量十足而價錢相宜。家人胃口不大, 所以5人吃這4人套餐都非常飽足。和風沙律, 菜不算很新鮮, 但沙律醬味道不錯, 也有大量木魚絲。最後我們因吃不下而將餘下的菜拿去個海鮮鍋煮...主食- 沙蜆烏冬、牛肉烏冬、三文魚壽司飯、滑蛋豬柳飯, 全部都不過不失, 我們没有"付出$10而要求$50的質素"鯖魚燒 - 很大條鯖魚, 燒後一點也不乾, 魚肉有肉汁, 而且肥美軟滑!特製天婦羅盛合, 如一般天婦羅常遇到的"粉漿厚、蝦無味、油多"的問題, 還有一樣很奇怪的配搭, 就是金菇天婦羅...壽司盛合 (20件) - 共十款, 每款兩件, 同樣是不能對它有甚麼期望吧海鮮相撲火鍋配烏冬 - 火鍋配料的種類意外地多, 有三文魚、 沙蜆、帆立貝、雞肉、京蔥、豆腐、蔬菜類...吃完火鍋料餘下的湯底竟然是非常鮮甜, 忍不住喝了幾口!最後的甜品

難得放假, 出咗去搵朋友食飯, 佢話呢間平時好難等到位, 而我可以早去搵位, 所以就嚟咗呢間..........我12:50左右去到, 離遠已經見到一大班人等緊位, 我拎完飛要等多6張2人枱, 結果等咗10分鐘左右已經有枱, 比我預期中快.............可能佢呢度預你一定每人叫一份set lunch, 所以一坐低, 除咗有茶比你之外, 仲有1碗仔沙律, 我再睇睇餐牌, 全部都係叫做 "定食", 仲有就係好似點心紙咁自己選食乜同飲乜, 等埋朋友嚟之後, 叫咗個石鍋飯, 一路等一路食住沙律先.................我朋友又係叫石鍋飯, 但佢果個唔駛5分鐘已經送到, 我果個等咗超過5分鐘, 但應該未有10分鐘咁耐............. 石鍋蒜香牛肉飯定食送上枱熱仲好鬼死熱, 喳喳聲, 我就趁佢仲要時, 快速將d飯同餸搞亂, 如果唔係個邊會焦哂, 而且不搞佢, 食果陣又一路食一路搞, 一路有飯焦食, 但又唔係焦到黑哂果種, 好好食,,,,,,,,,,,基本上由你開始食到食完, d飯仲係好高溫, 食到我係咁流鼻水.............佢面頭加咗好多炸香咗的蒜茸同埋蔥,

今晚屋企又無飯開,太太無乜胃口,想食日本野,就去咗食和亭,今晚唔算太多人,起碼等一陣已經有位,LUCKY餐廳環境,亦算舒適,不過每次想搵侍應生都比較難,要舉手好耐才會有人應二人叫咗個什錦海鮮寿司飯,炸帶子豆腐魚餅,吞拿魚蛋沙津軍艦什錦海鮮寿司飯>>可以講淨係得個凍字,魚生食唔到鮮味,飯過多寿司醋,味酸吞拿魚蛋沙津軍艦>>蛋多過吞拿魚,而且沙津醬亦過多,但味道算OK炸帶子豆腐魚餅>>賣相OK,味道淡,但只食到魚,好似鮻魚肉餅,

今日再嚟午餐，服務生數目都係冇改善到， 依舊唔夠人手執枱及服務客人。當進入餐廳時感覺親切，完全沒有局促感覺。舒適既環境和座位，帶給了我們一個愉快的優閒午餐。一坐底已經有定食的前菜沙律送到，然後由客人自己選菜劃單後交給服務生落單。落單後不到十分鐘便開始上菜了，等待的時間不算長。 今次我哋叫了石鍋蒜香牛肉飯定食和滑蛋豬扒飯定食。 今次已經係第2次起同一間店食滑蛋豬扒飯定食了，佢吸引我的地方係滑蛋而唔係豬扒，這個滑蛋汁餸飯味道真不錯，反而豬扒咸了點。 牛肉石鍋飯係亞佬第一次點，個飯熱辣辣之餘，亞佬話好欣賞佢既飯焦，同埋香噴噴蒜香，加埋薄片牛肉，美味又暖胃。唯一缺點係比平時的飯多油，可能怕油不夠飯會痴石鍋。

今日共3人第一次去和亭進餐。依間分店開放式裝修得像快餐店，冷氣開得過大，明顯不夠服務生招待客人。點菜要自己寫單，還要出現漏單情況。滑蛋豬扒飯 - 豬扒偏咸，蛋汁好味，飯夠熱。麵豉湯 - 好重味精，飲完好口乾。凍檸茶 - 夠茶味，甜度適中。炸豬扒咖哩飯 - 咖哩偏咸，豬扒夠脆但份量少。凍柚子蜜梳打 - 沒有柚子味鮭魚壽司飯 - 勝在冇味精和民咭有95拆優惠