影片
更多
2009-05-04
44 瀏覽
一年一度嘅媽媽節又到，為了遷就大家時間，唯有提早一個星期日慶祝 ; 亦都為咗方便公公婆婆出入，今次揀選咗好多年都冇去嘅又一棧。記得好多年前去過一次，印象不甚麼突出，咁多年以來佢都仍然繼續在同一地點經營，而且係美心集團，以為應該會進步不少.......預先幾日打去訂枱，因為訂7:30嘅關係，餐廳已經講明嚟到需要等一陣，冇所謂，一行七人準時到達，即刻可以比到枱，但係要坐門口第一張，咁媽媽又唔想，唯有等下一張枱，知客亦非常有禮貌地為我地再安排，結果就咁等了約半個鐘。入到去，發覺套餐都係食翅多，唔係咁啱我地胃口，結果就變成a la carte，由媽媽同我去揀餸。我地今晚揀咗 2頭盤 + 1湯 + 5主菜 + 4點心 + 4白飯 + 1甜品。1. 前菜 (辣嘅豆 + 花生 + 硬豆腐) - 辣辣地，幾醒胃。2. 紹興三里橋醉雞 - 雞肉嫰滑，浸滿酒香，雞皮薄薄，唔太肥，但係雖然屬同一集團，但係北京樓(星光行)似乎較勝一籌。3. 上海南岭海蜇頭 (蔥油) - 雖然大舊，淡淡肉，但係太硬了，咀嚼頗吃力，而且話明要蔥油，蔥同麻油嘅味呢，究竟往哪裡去了?4. 一口香蔥油餅 - 香港不同內地，蔥油餅真係又
預先幾日打去訂枱，因為訂7:30嘅關係，餐廳已經講明嚟到需要等一陣，冇所謂，一行七人準時到達，即刻可以比到枱，但係要坐門口第一張，咁媽媽又唔想，唯有等下一張枱，知客亦非常有禮貌地為我地再安排，結果就咁等了約半個鐘。
入到去，發覺套餐都係食翅多，唔係咁啱我地胃口，結果就變成a la carte，由媽媽同我去揀餸。我地今晚揀咗 2頭盤 + 1湯 + 5主菜 + 4點心 + 4白飯 + 1甜品。
1. 前菜 (辣嘅豆 + 花生 + 硬豆腐) - 辣辣地，幾醒胃。
2. 紹興三里橋醉雞 - 雞肉嫰滑，浸滿酒香，雞皮薄薄，唔太肥，但係雖然屬同一集團，但係北京樓(星光行)似乎較勝一籌。
3. 上海南岭海蜇頭 (蔥油) - 雖然大舊，淡淡肉，但係太硬了，咀嚼頗吃力，而且話明要蔥油，蔥同麻油嘅味呢，究竟往哪裡去了?
4. 一口香蔥油餅 - 香港不同內地，蔥油餅真係又蔥又油，不過好香，而且餅皮又鬆又軟但唔肥膩，不過蔥油饀就頗多，食得多會滯。
5. 蒸/炸銀絲卷 - 保持水準的貨式，蒸的內外都咁軟熟，又雪白又甜 ; 炸的外脆內軟，同樣好味。
6. 浙江高郵黃金蝦球 - 啲蝦球真係龍蝦肉咁大件，份量十足，肉質爽脆，但鹹蛋黃一啲都唔油，太乾身唔合格，而且伴菜用脆肉瓜，有失大體。
7. 北京蔥爆牛肉 - 爆就相信有爆過，但係鑊氣欠奉，唔怪得知唔香，可能係啲蔥未爆香，出唔到味，而且啲菜上得太快了，呢道菜好快就凍咗，變相更加難吃了。
8. 蔣腿扒津白 - 火腿唔會淨係得個鹹字，一食就知係上等貨，津白亦都好甜，不過份量少啲 (對於我地全家都喜歡食菜的人)。
9. 無錫灌湯小籠包 - 湯夠肉汁夠油份，但皮略厚。
10. 無錫肉骨頭 - 另一敗筆之作，肉骨裡全無肥肉，一啲都唔鬆化，甚至叫硬，難以咀嚼 ; 汁方面又調較得太酸。
11. 上海靜安雲吞雞 - 用料豐富，每一碗都有齊小棠菜、雲吞、雞肉，雖然雞湯味頗濃，但眾人都覺得湯過鹹。
12. 烤北京填鴨 - 佢地將呢道菜放到最後，大家都飽得八九成，哪有位置再容立呢隻填鴨呢。我地冇揀淨切皮，選擇肉連皮，但係啲肉跟本未醃夠，未入味，再者啲皮一啲都唔脆又唔香，結果連最喜歡呢道菜嘅細佬都放棄。
13. 拔絲香蕉 - 都拔唔到絲嘅?? 北京樓得個喎。況且皮太厚，嚴格嚟講，呢啲唔係叫脆，係叫硬，入面嘅香蕉亦都唔熱。
Comments: 相信只係得排場，其中有一項服務非常有問題，佢竟然要我爸爸幫佢拎隻碗比佢，而係一聲唔該都冇的，好似命令式，我同爸爸對此態度為之側目，不過普遍侍應嘅態度優良。上菜次序同時間就非常亂，雲吞雞同填鴨放到最尾先上枱，一係唔開始，頭廿分鐘已經上了大半餸菜，叫人點食呀，搞到我地好似狂風掃落葉咁。以前比過一次機會，咁多年後，亦未見得有任何進步，我決定放棄佢，應該再冇下次了。
張貼
