影片
更多
2010-03-03
412 瀏覽
農曆新年, 既姨媽姑姐飯局第二場. 就是七舅父的生日飯局. 然而每次七舅父的生日飯局既宗旨, 就是搵來最平, 最抵食既套餐來侍候大家. 是晚, 千揀萬揀, 來到了旺角的德興火鍋. 德興, 食火鍋, 出哂名抵食. 連D學生哥, 一群人出街, 去什麼Cafe, 茶餐廳, in-食點, 非全部也, 因為, 仲有呢d火鍋放題店. 所以, 德興, 又窄又狹的餐樓, 基本上有7成是打邊爐客.如標題, 我們一行兩圍人馬, 不是來食火鍋的. 難道是來搗亂的? 也不是. 我們來, 是為了德興推出的 <<花鳥全包宴>>. 我們星期六食, 收$1666....平日$1333........菜單上有齊一般酒席必要既野. 如乳豬, 蟹鉗, 魚翅, 蒸石斑, 仲有雞. 乳豬一檯一隻. 皮仍是香脆, 味道不太過咸, 而且隻豬仔都幾好肉. 算是燒得唔錯. 炸蟹鉗, 上呢兩度菜, 心裡想一想, 結婚擺酒都係食呢D菜式. 可想而知, 攏餐酒, 酒樓賺幾多錢. 不過這個蟹鉗, 當然是一個縮水版本. 比平時擺酒食既, 細左個碼位. 咬一口, 有人叫小心爆醬. 爆什麼醬? 原來中間有少少芝士釀左
如標題, 我們一行兩圍人馬, 不是來食火鍋的. 難道是來搗亂的? 也不是. 我們來, 是為了德興推出的 <<花鳥全包宴>>. 我們星期六食, 收$1666....平日$1333........菜單上有齊一般酒席必要既野. 如乳豬, 蟹鉗, 魚翅, 蒸石斑, 仲有雞.
乳豬一檯一隻. 皮仍是香脆, 味道不太過咸, 而且隻豬仔都幾好肉. 算是燒得唔錯.
炸蟹鉗, 上呢兩度菜, 心裡想一想, 結婚擺酒都係食呢D菜式. 可想而知, 攏餐酒, 酒樓賺幾多錢. 不過這個蟹鉗, 當然是一個縮水版本. 比平時擺酒食既, 細左個碼位. 咬一口, 有人叫小心爆醬. 爆什麼醬? 原來中間有少少芝士釀左入去. 不過, 只係食落有芝士, 味道就冇芝士.
一個叫彩虹油泡象牙蚌. 彩虹, 就是紅蘿蔔同西芹, 象牙蚌同象拔蚌, 名似, 樣似唔似就不知. 不過蚌肉爽韌, 講清楚, 是爽韌, 是韌. 油泡了感覺只是一般. 沒有什麼特別驚喜的一個"小"菜.
柱甫了, 也是飲宴中經常出現的一個廣東名菜. 瓜雖大小不一, 但普通一家人食飯的酒席, 又點會介意呢. 說好的, 就是瑤柱夠大隻, 茨汁薄薄地仲好, 能夠食得出瑤柱的香味.
囉唆都要講多一次, 真的像擺酒. 魚翅時間到了, 食完碗翅, 我們一齊為七舅父敬上壽比南山的一杯. 有人問為何每次酒席都要選在上魚翅的時候敬酒呢.......是日沒空上網搵, 就由讀者們幫手找找資料, 講返個典故出來. 平價酒席, 俾D什麼翅我地食???? 正常人都唔會有什麼期望. 呢個翅, 也許不能叫翅, 亦不是羹, 叫槳粉又唔係幾好聽.........就叫太白粉糊吧.
鮑汁花菰海螺片, 賣相極似過年食到厭既什麼發財金錢好事. 不過, 呢味野, 沒有發財, 沒有好事. 換了鮑汁同海螺片. 其實鮑汁, 蠔汁, 都係一個又濃又杰的海螺提煉物, 味道其實差無幾, 只覺是換了鮑魚來煮汁, 感覺上名貴少少. 海螺片, 現在被傳媒揭發了海螺充鮑片. 所以酒樓方面都要調整一下. 海螺片, 口感的確似鮑片, 有煙韌口感, 又夠腍, 而且個汁又扣得靚. 又可以叫做OK.
尾聲了, 向來都是魚同雞. 魚, 足秤的老鼠斑, 蒸得剛好熟. 皮肉嫩滑. 眾人皆同意條魚, 是全晚最好食既食物之一. 而雞, 他們的是燒雞, 並非炸雞. 全名是豉油王脆皮燒雞. 雞皮的脆, 果然是燒出來的, 而且雞是預先用豉油浸過. 所以皮肉都極之入味.
最後, 便是飯麵. 不過呢個餐, 只有麵一個, 冇飯. 而且個麵, 咸到七彩. 食一碗仔已嫌過之. 反而最後的壽包仍算不錯. 白蓮蓉的餡, 熱辣辣, 只恨沒有咸蛋黃. 不然味道更鮮.
呢個套餐, 有好有壞. 不過$1666一圍, 包兩渣果汁, 兩枝啤酒....(唔要亦可以轉做12支汽水). 而且全包, 免哂茶芥加一. 對食物要求不高, 志在同家人或一班好友聯絡感情. 雖不可以話正, 但可以叫超值.
張貼
