茴香 (已結業)

餐牌唔好話自己叫泰國菜扒房啦，九唔搭八，根本全部係西餐黎既，意粉，薄餅，意大利飯，扒，根本冇泰國野。今日上openrice睇先知原來轉左手，變左西餐廳，質素跌左好多。點左個加一後650既二人餐，牛扒同三文魚。沙律有6,7款左右，味道中規中舉，食落去ok但又唔會令你想食幾轉咁樣。食左一轉沙律，南瓜湯加蒜包，都係正常既，同幾十蚊一位既餐廳差唔多。之後就一直等，等左半個鐘，催左三次，旁邊枱個三個女人等得仲耐，等左一個鐘，最後我話未煮我就走啦要趕下場，計返個沙律同湯錢比你。佢就驚啦，話比多5分鐘，師父受傷入左院，之後捧左盤垃圾出黎，件牛扒仲硬過橡皮，仲要一d味都冇，問佢攞碟芥辣，艱難食左幾件，一半都食唔到留返係枱（如圖），之後個份等左50分鐘既三文魚送到，個汁名用左十幾個字描述，但出到黎得少少橙味，水汪汪，5分鐘內吃完走人。六，七百蚊的質素仲差過紅茶餐廳，我思疑係咪個侍應入去煮既講真，你師父傷左煮唔到就出聲，我去另一間食，唔好咁呃呃氹氹，等你一個鐘，整盤垃圾比我食，咁做生意邊有回頭客？