影片
更多
2023-05-20
28 瀏覽
拉開日式木系趟門，餐廳內部係沉浸式日本居酒屋風格。雖然店名叫做"立燒"，但放心唔需要"立"食，唔使罰企，有椅坐架！🤣全部都係高椅，枱面下都好大位置放袋。（好驚有d餐廳坐高椅，但俾得個細籃要硬塞個袋入去放椅底。又或者得個鈎掛得一個細袋咁。呢間呢方面既design就貼心抵讚👍）見有個"豐和牛二人盛"做緊推廣價388蚊（原價$468)，我啱啱2個人，唔使諗就爽快嗌呢個啦！點完好快上左個前菜，前菜係青瓜伴蟹籽(前菜每位$8)，細細碟清新下口腔，開胃！豐和牛二人盛$388有肉眼A4x2,西冷A4 x2肉眼A5x2,西冷A5 x2牛舌x2，三角肋肉x2牛肚x4,特選蔬菜無論肉眼/西冷/A4/A5都肉質嫩，入口充滿牛味，都好食。A5油脂再豐富一啲。咁啱牛肚賣晒，餐廳轉左雞心畀我。雞心醃得好入味，好淋唔會咬唔到，都幾好。最好味係個牛舌🉐️💯牛舌煙韌爽彈，牛味濃，每咬一啖都有好濃嘅牛味滲出充滿口腔。必試！🉐️✔️伴醬有豉油同鹽。枱面仲有3款辣粉，分別有原味辣、蒜味辣、洋蔥辣， 唔同辣度。不過其實本身啲肉都好好味，唔點醬都ok，可以真正食到和牛味道。套餐仲有兩碗飯，一定夠飽肚！特選蔬菜就有菇、翠玉瓜同埋最愛嘅菠
餐廳內部係沉浸式日本居酒屋風格。
雖然店名叫做"立燒"，
但放心唔需要"立"食，唔使罰企，
有椅坐架！🤣
全部都係高椅，枱面下都好大位置放袋。
（好驚有d餐廳坐高椅，但俾得個細籃要硬塞個袋入去放椅底。
又或者得個鈎掛得一個細袋咁。
呢間呢方面既design就貼心抵讚👍）
見有個"豐和牛二人盛"做緊推廣價388蚊（原價$468)，
我啱啱2個人，
唔使諗就爽快嗌呢個啦！
點完好快上左個前菜，
前菜係青瓜伴蟹籽(前菜每位$8)，
細細碟清新下口腔，開胃！
豐和牛二人盛$388
有肉眼A4x2,西冷A4 x2
肉眼A5x2,西冷A5 x2
牛舌x2，三角肋肉x2
牛肚x4,特選蔬菜
無論肉眼/西冷/A4/A5都肉質嫩，入口充滿牛味，都好食。
A5油脂再豐富一啲。
咁啱牛肚賣晒，餐廳轉左雞心畀我。
雞心醃得好入味，好淋唔會咬唔到，都幾好。
最好味係個牛舌🉐️💯
牛舌煙韌爽彈，牛味濃，
每咬一啖都有好濃嘅牛味滲出充滿口腔。
必試！🉐️✔️
伴醬有豉油同鹽。
枱面仲有3款辣粉，
分別有原味辣、蒜味辣、洋蔥辣，
唔同辣度。
不過其實本身啲肉都好好味，
唔點醬都ok，
可以真正食到和牛味道。
套餐仲有兩碗飯，
一定夠飽肚！
特選蔬菜就有菇、翠玉瓜同埋最愛嘅菠蘿,
每樣x2
最後食返塊菠蘿作結，
清甜解膩又滿足。
成個用餐過程1個鐘內搞掂，
餐廳無加一，
百零蚊一個人都叫食到日本A4和牛，
算係幾快靚正嘅選擇！
啱晒1或2人速食正野😋
張貼
