影片
更多
2017-04-08
539 瀏覽
返工忙左成個星期終於到咗星期五，係時候要嘆下迎接美好嘅weekend。今晚約咗男朋友想搵個人少少靜靜地嘅地方二人世界食餐飯。見到今晚Habitū冇乜人就入咗去食飯。初頭安排左我哋坐卡位，但係我哋覺得有啲迫，而且有好多圓枱都冇人坐。我哋要求轉枱，侍應都好Nice咁比我哋轉。(其實我都好出奇點解星期五晚會咁少人。)我哋叫咗一個carbonara，一個牛肉Burger。嘢食好快送上嚟，啱晒我哋兩隻餓鬼。就算同一集團，其實唔同餐廳、唔同廚師煮嘅野食都有出入。我覺得奧海城呢間煮得都幾好食。哩個carbonara,意粉唔會煮得太淋，煙煙韌韌好彈嘅口感。而且個汁亦都唔會太杰，食完都唔會太黏口。我哋叫burger嘅時候，侍應都有問我地牛肉想要幾成熟。我哋就order左七成。呢個burger賣相幾好，每樣配料都睇得出有細心攞過位。抵讚個漢堡嘅煙肉整得好香好脆，芝士味亦唔會太濃，唔會搶咗牛肉同煙肉嘅味。只不過我覺得個牛肉煮得乾左少少，牛肉香味少咗啲，如果佢個牛香味再重啲，咁成個Burger就更加好食啦。配菜薯條方面，我個人係鍾意食啲脆嘅薯條，所以佢個薯條我覺得林咗啲。不過佢準備咗番茄醬同沙律醬俾我點，就算
冇乜人就入咗去食飯。
初頭安排左我哋坐卡位，但係我哋覺得有啲迫，而且有好多圓枱都冇人坐。我哋要求轉枱，侍應都好Nice咁比我哋轉。(其實我都好出奇點解星期五晚會咁少人。)
我哋叫咗一個carbonara，一個牛肉Burger。嘢食好快送上嚟，啱晒我哋兩隻餓鬼。
就算同一集團，其實唔同餐廳、唔同廚師煮嘅野食都有出入。我覺得奧海城呢間煮得都幾好食。哩個carbonara,意粉唔會煮得太淋，煙煙韌韌好彈嘅口感。而且個汁亦都唔會太杰，食完都唔會太黏口。
我哋叫burger嘅時候，侍應都有問我地牛肉想要幾成熟。我哋就order左七成。呢個burger賣相幾好，每樣配料都睇得出有細心攞過位。抵讚個漢堡嘅煙肉整得好香好脆，芝士味亦唔會太濃，唔會搶咗牛肉同煙肉嘅味。只不過我覺得個牛肉煮得乾左少少，牛肉香味少咗啲，如果佢個牛香味再重啲，咁成個Burger就更加好食啦。
配菜薯條方面，我個人係鍾意食啲脆嘅薯條，所以佢個薯條我覺得林咗啲。不過佢準備咗番茄醬同沙律醬俾我點，就算林咗少少我都覺得係好食嘅。
唔知係咪因為客少嘅關係，佢哋呢間Habitū嘅侍應每一個嘅服務態度都好好。見到佢哋對唔同枱嘅客都好有禮貌，儘量滿足客人嘅要求。可以話係我食過咁多間Habitū serve 得最好嘅一間👍🏼
食完主菜當然想食返個甜品先走啦。非常之唔好彩地，侍應見到我攞住餐牌睇嘅時候，已經行過嚟有禮貌咁同我講今日所有嘅cake都賣晒啦。🤦🏾♀️唯有下次再去食我最鍾意嘅Rose cake啦😝
張貼
