影片
更多
2014-08-02
943 瀏覽
呢間「茶樓」真係唔易搵到，係酒吧立林既地方內，有個叫你飲茶食點心既地方，感覺好有隱世食堂既風味，佢地標榜即叫即蒸同埋唔加「師傅」都係一個幾有好既賣點。去到後原本話要等二十分鐘，結果最後約十分鐘就有位。一口氣點左好多點心，原本想點多個飯，但諗住食完再睇下飽唔飽先加飯。蟹粉小籠包出爐好熱，一食落好多汁，好好味，但蟹粉味不足，豬肉味多於蟹味。流沙包，又係好熱，即食既話真係流晒出黎，蛋漿好濃夠香。黑松露帶子餃真係無花假，好香既松露味，雖然唔大隻，但係帶子好滑。食入口一陣陣黑松露刺激味蕾，將帶子同埋餃子既菜鮮味帶出黎，第二啖已經感覺到帶子同餃子內既汁混合松露出另一股鮮甜味道，值得一試再試。蟹蓋既芝士香味夠，入面蟹糕分量夠，食落唔膩，但厭佢焗得太過，燶左唔少。鵝肝福袋真係一絕，個蛋白好清好易入口，而個福袋內既松露、鵝肝同埋菇粒就係極濃味既材料，兩者既配合竟然可以如此各走極端又配合得天衣無縫，我同柑太對呢道茶真係讚不絕口。鮑魚燒賣，鮑魚好入味，不過鮑魚汁加埋燒賣就似乎太膩，雖然豬肉唔肥，但係食完總係感覺到幾肥膩下。又脆又香，食落去蝦肉好鮮甜，但係鵝肝味就唔重，單以手工同埋味道都合格。灌湯餃最特別係個
去到後原本話要等二十分鐘，結果最後約十分鐘就有位。
一口氣點左好多點心，原本想點多個飯，但諗住食完再睇下飽唔飽先加飯。
蟹粉小籠包出爐好熱，一食落好多汁，好好味，但蟹粉味不足，豬肉味多於蟹味。
流沙包，又係好熱，即食既話真係流晒出黎，蛋漿好濃夠香。
黑松露帶子餃真係無花假，好香既松露味，雖然唔大隻，但係帶子好滑。食入口一陣陣黑松露刺激味蕾，將帶子同埋餃子既菜鮮味帶出黎，第二啖已經感覺到帶子同餃子內既汁混合松露出另一股鮮甜味道，值得一試再試。蟹蓋既芝士香味夠，入面蟹糕分量夠，食落唔膩，但厭佢焗得太過，燶左唔少。
鵝肝福袋真係一絕，個蛋白好清好易入口，而個福袋內既松露、鵝肝同埋菇粒就係極濃味既材料，兩者既配合竟然可以如此各走極端又配合得天衣無縫，我同柑太對呢道茶真係讚不絕口。
鮑魚燒賣，鮑魚好入味，不過鮑魚汁加埋燒賣就似乎太膩，雖然豬肉唔肥，但係食完總係感覺到幾肥膩下。
又脆又香，食落去蝦肉好鮮甜，但係鵝肝味就唔重，單以手工同埋味道都合格。
灌湯餃最特別係個湯，金華火腿加冬瓜蓉，入口好清湯唔膩，火腿既味道久久不散，而冬蓉亦化解左果種油膩既感覺。而隻餃就皮唔算厚，材料亦算係鮮味，但如果缺少呢個湯，一定大打折扣。雖然價錢有少少貴，但整體上食物既質素都好好，每道菜都食唔到味精，而反而係材料上做到該清則清，該濃則濃，甚至係菜色之間既配合突顯番個味道出黎，可見心思上下個功夫。
張貼
