影片
更多
2021-04-20
32 瀏覽
早幾日去左旺角行完街 又係時候諗食咩好發現一間開左一段時間但係都未食過嘅台灣餐館!即刻令想去旅行嘅我二話不說就入去坐低真係又抵食又高質 仲好有人情味🥰-#辣牛筋牛肉飯 $60 (另加魯肉: $10)牛筋煮得好腍 而且辣辣地非常惹味連牛肉亦都好入味而且有咬口加埋魯肉真係更加豐富 食落又有焦糖味 相信係煮咗個幾鐘先可以有呢個效果-#香酥豬扒麵 $46香酥豬扒用了好多味料醃制上枱熱辣辣時 咬落去軟淋淋仲有肉汁 連豬扒邊位都係脆卜卜麵有d鹼水味 最欣賞佢浸喺湯一段時間都唔會發脹 依然彈牙🍜-#網皮芋蓉卷 $24以上兩個午餐都加咗午餐小食 所以每個小食都有原價減$10呢個優惠軟滑香甜芋蓉再配上豬肉🫔而且網皮亦都令到脆皮嘅外層口感多一層變化-#士林小香腸（2條） $32估唔到連香腸都可以擺得咁靚2條小香腸切到一粒粒砌成一朵花好有台灣風味-#腐皮蚵卷 $60雖然已經食左好多嘢 但係我地見到呢個台灣特色美食咁特別又未食過所以就忍唔住叫埋腐皮蚵卷係用咗12種食材製成 同蚵仔煎唔同蚵仔味道鮮甜 配埋其他食材 味道好多元化而且仲跟咗一個舖頭自家製嘅海山醬 醬汁酸酸辣辣 非常開胃-#咖啡奶凍 老闆見我地食得
早幾日去左旺角行完街 又係時候諗食咩好
發現一間開左一段時間但係都未食過嘅台灣餐館!
即刻令想去旅行嘅我二話不說就入去坐低
真係又抵食又高質 仲好有人情味🥰
-
#辣牛筋牛肉飯 $60 (另加魯肉: $10)
牛筋煮得好腍 而且辣辣地非常惹味
連牛肉亦都好入味而且有咬口
加埋魯肉真係更加豐富 食落又有焦糖味
相信係煮咗個幾鐘先可以有呢個效果
-
#香酥豬扒麵 $46
香酥豬扒用了好多味料醃制
上枱熱辣辣時 咬落去軟淋淋仲有肉汁 連豬扒邊位都係脆卜卜
麵有d鹼水味 最欣賞佢浸喺湯一段時間都唔會發脹 依然彈牙🍜
-
#網皮芋蓉卷 $24
以上兩個午餐都加咗午餐小食 所以每個小食都有原價減$10呢個優惠
軟滑香甜芋蓉再配上豬肉🫔
而且網皮亦都令到脆皮嘅外層口感多一層變化
-
#士林小香腸（2條） $32
估唔到連香腸都可以擺得咁靚
2條小香腸切到一粒粒砌成一朵花
好有台灣風味
-
#腐皮蚵卷 $60
雖然已經食左好多嘢 但係我地見到呢個台灣特色美食咁特別又未食過所以就忍唔住叫埋
腐皮蚵卷係用咗12種食材製成 同蚵仔煎唔同
蚵仔味道鮮甜 配埋其他食材 味道好多元化
而且仲跟咗一個舖頭自家製嘅海山醬
醬汁酸酸辣辣 非常開胃
-
#咖啡奶凍
老闆見我地食得咁開心 竟然送左個甜品俾我地
而且呢個甜品係冇得賣 真係好幸運🤩
簡單又甜絲絲嘅奶凍為我地呢餐劃上左個完美嘅句號
-
午餐會附上一杯飲品 如果想轉特色飲品只係加$4
如果就啱時間下午1:00前離座/2:30後入座都可以減$5
老闆亦都好好客 當我地見到未食過嘅菜式想請佢介紹
佢都好用心介紹俾我哋聽
店內還有好多台灣特色美食係平日比較少見
可惜已經食到好飽 下次一定再黎食!😋
-
📍西門町台灣麵食 (旺角)
旺角通菜街2號鴻光大廈2N號地舖
#4feiporinmongkok
張貼
