川之源

營業中

休息中

同事話想食川菜， 於是揾間靠近港鐵站嘅餐廳。 餐廳位於西營盤正街， 由西營盤站大約行三分鐘就到。餐廳裝修平實，但人情味豐富。二人套餐蒜泥白肉酸菜魚酸辣土豆絲桂花冰蒜泥白肉， 味道同一向食開的蒜泥白肉唔同， 蒜味非常香濃， 豬肉又嫩又滑， 好似食緊黑豚肉火鍋咁， 好食。酸菜魚， 我地試中辣， 避免大辣太勁食唔到， 第一啖飲湯， 酸味強過辣味， 感覺有d奇怪。 點知原來酸菜魚有after taste, 飲多2啖湯後， d辣味就黎啦， 雖然唔係好辣， 但真係好好食。 魚肉又白又滑， 非常新鮮嫩滑， 入口就滑入喉嚨。酸辣土豆絲， 土豆絲好爽口， 好似蘿蔔絲咁， 味道清甜。桂花冰， 好香嘅桂花清香， 整出黎有一粒一粒的方塊， 好得意。原來個套餐係跟桂花冰或汽水， 我地無留意就已經叫左汽水，食完後問餐廳女士， 可以上甜品， 佢2話不說就比左我地， 之後先講返汽水甜品二揀一，我地諗住唔要， 但佢話唔緊要， 最緊要食得開心。