糖蓮子 (已結業)

因為住喺附近，平時間唔中都會食呢間糖水舖，但冇特登留過食評，今日因為屋企壞𨋢未整好，就去叫個雪糕坐下，點知食完之後成個袋唔記得拎🤦🏾‍♀️入面係我媽媽親手整比我嘅嘢食，雖然唔貴但唔見咗都會好心痛😢咁啱我走嗰陣帶住耳機聽緊直播，行咗成條街先發現老闆娘追咗出嚟，佢年紀都唔細，我行得又快，佢跟我行(跑)咗成條街，真係好唔好意思😢😢老闆娘平時啲態度都好好，啲嘢都好食，尤其係心太軟，強烈推介比大家！！