影片
更多
2022-05-28
135 瀏覽
今日去開錦田，順便嚟假日市集行吓。前一晚做足功課睇吓有啲咩好食，最後揀好咗呢間農得。一入去老闆娘已經熱情招待，主食嘅menu係要問老闆娘攞嘅。最後揀咗蝦多士，文昌雞pizza同埋薯餅。因為即叫即製，所以等候時間都幾長，大慨等咗半個鐘就上咗蝦多士啦。蝦多士好靚好吸引，一咬落去，嘩！麵包好脆！調味唔算濃所以更食到蝦嘅鮮味。重口味人士覺得可以濃味少少不過呢度賣點係有機健康，所以清淡啲都明白！之後上嘅係文昌雞pizza，嘩！一上嚇親我，超大個呀！兩個人好驚食唔哂Pizza係啱啱焗好，食嘅時候要小心熱，店家都好細心咁提供手套我地。一咬落去，啲芝士拉絲拉到好長！啲芝士好似唔使錢咁！Pizza用咗番茄醬調味，調味適中，唔會太淡或太濃味。主角文昌雞好鮮甜！超級想買一隻走，$200一隻，不過因為之後唔係即刻返屋企，所以下次先。食咗3塊pizza，好滿足，最後上埋嘅薯餅，有濃濃嘅香草味同芝士味。食哂所有嘢好飽啦，甜品下次再食。老闆同老闆娘都好好會問客人啲嘢食啱唔啱食，係一間好chill好有人味嘅小店。有機會一定會再嚟！
今日去開錦田，順便嚟假日市集行吓。前一晚做足功課睇吓有啲咩好食，最後揀好咗呢間農得。
一入去老闆娘已經熱情招待，主食嘅menu係要問老闆娘攞嘅。最後揀咗蝦多士，文昌雞pizza同埋薯餅。
因為即叫即製，所以等候時間都幾長，大慨等咗半個鐘就上咗蝦多士啦。
蝦多士好靚好吸引，一咬落去，嘩！麵包好脆！調味唔算濃所以更食到蝦嘅鮮味。重口味人士覺得可以濃味少少不過呢度賣點係有機健康，所以清淡啲都明白！
之後上嘅係文昌雞pizza，嘩！一上嚇親我，超大個呀！兩個人好驚食唔哂Pizza係啱啱焗好，食嘅時候要小心熱，店家都好細心咁提供手套我地。一咬落去，啲芝士拉絲拉到好長！啲芝士好似唔使錢咁！Pizza用咗番茄醬調味，調味適中，唔會太淡或太濃味。主角文昌雞好鮮甜！超級想買一隻走，$200一隻，不過因為之後唔係即刻返屋企，所以下次先。
食咗3塊pizza，好滿足，最後上埋嘅薯餅，有濃濃嘅香草味同芝士味。食哂所有嘢好飽啦，甜品下次再食。老闆同老闆娘都好好會問客人啲嘢食啱唔啱食，係一間好chill好有人味嘅小店。有機會一定會再嚟！
蝦多士
14 瀏覽
0 讚好
0 留言
文昌雞pizza
6 瀏覽
0 讚好
0 留言
薯餅
7 瀏覽
0 讚好
0 留言
張貼
