萬家廚房 (已結業)

呢間人情味濃既日式居酒屋由好有心既兩夫婦經營，老闆波哥對自己餐廳既食材好有要求，要貨源靚先會用，貨源不佳就寧願餐牌少一道菜都唔會屈就。有好多招牌菜特別值得試，巨鰻飯、焗蠔飯、冷麵及流心玉子燒每道菜都真材實料，而且食得出波哥兩夫婦對食物既誠意。呢度既食物未必系正宗日式煮法，但包含左兩位拼搏勤勞的香港人既心機及誠意。我同我先生食到差不多個個星期都有一日黎棒場。見到有數條食評話等候時間長及價錢高等，成間餐廳得波哥兩夫婦一腳踢所以等候食物的確要耐心d ，而食材系有高質素的所以唔會超平但價錢合理。如果系想食快靚平既日本菜既人可以去翻棒連鎖日式餐廳場，如果系想要有質素美味用正宗日本食材既人情味小店，萬家廚房就係不二之選