合作社茶餐廳

營業中

休息中

上一次食黃大仙合作社係小學果陣啦！今日心血來潮決定黎食返個晏先得，行入警察宿舍最入果度轉右就見到喇！事不宜遲一人叫一個特餐，即係牛油方包+腿蛋奄列+沙嗲牛肉公仔麵，再加杯凍奶茶。個味道好懷念呀，奄列好大份仲有蛋汁，沙嗲牛麵個麵唔係淋晒果種，好可惜係已經無左個粟米白湯，仲記得細個飲到lamlam脷！啲侍應姐姐哥哥好鬼正呀，我地一行四人，咁岩食食下轉左下午茶，即刻加料叫個吉列豬扒拼薯條，佢地拎杯野飲黎果陣見我地仲食緊飲緊，即刻話「咁快又飲多杯呀？飲埋而家果杯叫我地另上呀嘛！」哈哈，有時食野最開心除左睇一齊同枱既人，仲有呢一份人情味，好希望以後仲有餐廳會keep到！