迎樂

營業中

休息中

最近屋企附近新開左一間車仔麵店, 呢度仲有車仔飯都幾特別。同一條街仲有好幾間車仔麵店，不過呢間就坐得最舒服,而且個冷氣真係好夠凍.先試下個車仔麵湯底，加咗腩汁味道唔錯.蠔油冬菇真係超大隻同埋勁厚，而且好入味。蘿蔔腍甜，牛腩爽口唔痴牙，瑞士雞翼都唔錯。食車仔麵好少可有溏心蛋， 個蛋真係好流心，仲好滑。最鍾意玻璃樽裝汽水，夠晒氣牛筋都係我其中一個最愛, 勁腍充滿骨膠原又係好入味。最後叫咗個車仔飯，雞扒好味啖啖肉唔乾身, 個咖喱魷魚好爽口, 咖喱味仲好香好惹味， 魚腐大大粒脹卜卜。 老闆仲會好nice 出黎同我地呢d 街坊傾下計😆，整體質素唔錯，下次想食車仔麵又會多個選擇