影片
更多
2016-02-15
7026 瀏覽
難得閒日放假輕鬆下, 友人話帶我去傳統酒樓食好野, 為食的我當然即刻蒲頭啦. 雖然都同屋企人, 朋友飲過唔少次茶, 但好似倫敦大酒樓呢類型酒樓都係第一次黎. 真係新奇又有趣呀! 大概下午點半到, 仲係好多人, 好彩友人平時都成日黎, 熟客仔, 留左位比佢.講講環境先, 雖然枱與枱之間比較逼, 人又好多, 但唔會有種好吵的感覺, 反而覺得好熱鬧, 間唔時會有點心車仔經過, 阿姐又好熱情咁問你食咩, 鍾意就叫一籠點心. 人情味真係唔使特登去搵, 呢度就有啦!最旁邊又有各種甜品, 糕點, 同煎釀三寶, 仲係即叫即煎, 友人話平日至愛, 即刻煎左碟黎食. 就咁望己經見到好足料, 一口咬落去, 真係啖啖魚肉, 仲有少少陳皮味, 真係完全唔可以同平時掃街食果D比較呀! 香口之餘又唔會覺得太過油膩, 唔怪得友人話必食啦!呢個味道不過不失, 蝦爽口彈牙, 同埋呢到比勁多沙律醬, 啱晒我!!蝦餃皮薄饀靚, 而家好多酒樓都整唔到, 呢個就好得啦! 我好鍾意食蝦餃皮, 呢到的皮好好味, 簡直想食完再食呀!! 哈哈!鴨腳扎係媽媽至愛, 一場黎到當然試下, 好味可以下次帶媽媽黎呀嘛! 鴨腳好入味, 但芋頭就可以
講講環境先, 雖然枱與枱之間比較逼, 人又好多, 但唔會有種好吵的感覺, 反而覺得好熱鬧, 間唔時會有點心車仔經過, 阿姐又好熱情咁問你食咩, 鍾意就叫一籠點心. 人情味真係唔使特登去搵, 呢度就有啦!
72 瀏覽
0 讚好
0 留言
呢個味道不過不失, 蝦爽口彈牙, 同埋呢到比勁多沙律醬, 啱晒我!!
蝦餃皮薄饀靚, 而家好多酒樓都整唔到, 呢個就好得啦! 我好鍾意食蝦餃皮, 呢到的皮好好味, 簡直想食完再食呀!! 哈哈!
鴨腳扎係媽媽至愛, 一場黎到當然試下, 好味可以下次帶媽媽黎呀嘛! 鴨腳好入味, 但芋頭就可以再入味同腍D, 腐皮如果可以再腍D就好啦.
友人話呢度乳豬飯超好食, 必食! 點知呢日已經賣晒, 下次要再早D黎先得呀! 不過唔緊要, 友人話燒鰻魚飯都好好味. 平時日式鰻魚飯就食得多, 中式酒樓食我真係第一次. 帶住興奮又緊張心情等呀等(其實唔係真係等左好耐, 可能好想食, 所以覺得時間好慢 XD), 終於上枱啦. 友人同我都急不及待即刻食. 真係好好味呀! 燒過的鰻魚外層好香脆, 但入面仍然鎖住肉汁, 啖啖肉, 啖啖鮮味呀! 真係停唔到口, 食完又食.最後當然唔少得甜品啦, 燉椰皇, 好香奶味, 仲入口即溶! 同埋份量都幾多! Share無難度XD
多謝友人帶我黎食好野! 平時飲茶, 點心紙劃咩就即刻黎晒, 怕食物凍會嗱嗱聲食晒. 反之, 呢度可以慢慢食, 有點心車時再拎幾籠, 有時間傾下計, 睇下隔離枱食咩, 又跟住叫. 原來我地以前都有慢生活架喎! 下次一於帶屋企黎過下寫意生活先.
張貼
