創意廚房 (已結業)

荃灣真係有好多美食！ 星期日打算去食好出名的米線的，很實在太多人，即時轉入為同事介紹的創意廚房！ 見到入面無乜人，其實有小小驚中伏⋯ 創意廚房真係一間幾有人情味ge小店，舖入面只有老板同老板娘，而老板都幾鍾意同食客傾計，我地由叫野食到食完野，老板已經坐得左兩次同我地傾計😂 小店雖然細細，但入面裝修佈展得幾舒服，令人有種家的感覺！ 至於食物，我地分別叫左同事極力推薦的巴東牛肉麵（同事話好小地方有得食「巴東牛肉麵」）同豬頸肉肉燥飯～ 而兩個餐都免費跟一杯特飲，我地叫左苦瓜白桃汁同「你話事」！ 同事極力推薦的巴東牛肉麵，其實我覺得好似升級版的五香肉丁麵😂😂 個湯同五香肉丁的汁好似，香香地辣辣地，但個牛就係好淋好入味的牛腩👍🏻 都唔錯！ 而另一個豬頸肉肉燥飯真係好好食⋯ 豬頸肉好肉食緊串燒果隻豬頸肉，唔似其他餐廳果種，好好食！！呢個飯真係好有驚喜⋯ 原本諗住穩穩陣陣先點呢個飯，點知最有驚喜係佢😋😋😋飲品就好推薦苦瓜白桃，好好飲！ 有苦瓜味得黎，真係唔苦！ 正！ 至於「你話事」應該係random😂 今日係青蘋果之類ge飲品，都Normal，但冇苦瓜咁正咁特別！下次一定會再黎！btw... 同老板