影片
更多
2008-10-18
29 瀏覽
開左一個星期，聽講係某藝人開喎，咪去見識下。今日 (星期六) 6 點 半左右去到，已經有唔少人等位。門口個派 number 個小姐，可能 40 出頭啦，塊面黑爆，派一個 number 都要 30 秒，不過旁邊個帶位個小妹妹就超有禮貌。我就估個小姐一定係老闆。再望下，兩隻手上面的戒指望唔真，但係的 design 好有貴氣，左手隻玉鐲超靚，我就估可能係老闆的屋企人義務幫手，就冇出聲。等左 5 分鐘就放我入去，坐最裡面。不過再望下，有大約 1/5 間餐廳好似冇打算用。我估係人請唔足。「簡單廚房」 走中級餐廳價錢，不過的裝修就走輕鬆中高級餐廳路線。唔錯。我地坐兩人卡位，有的窄，落 order 個位小姐一黎就踩到我隻鞋邊。落完 order 我就立即私下抱怨，再望望落 order 個小姐，依，好熟面口喎，咪同事三分親個文丞君，再望真的，有化妝喎，斷估都冇認錯人…叫左兩個個人餐，一個海鮮飯，一個三文魚意粉。個湯 5 分鐘就到，個意粉同飯就等左半個鐘。有相。味道中上。條三文魚有的乾，不過海鮮飯隻青口同隻中蝦就好新鮮，意粉同飯好濃味。雖然我估佢人手不足，不過的 waiter 就好快手，一叫就有人，ser
今日 (星期六) 6 點 半左右去到，已經有唔少人等位。門口個派 number 個小姐，可能 40 出頭啦，塊面黑爆，派一個 number 都要 30 秒，不過旁邊個帶位個小妹妹就超有禮貌。我就估個小姐一定係老闆。再望下，兩隻手上面的戒指望唔真，但係的 design 好有貴氣，左手隻玉鐲超靚，我就估可能係老闆的屋企人義務幫手，就冇出聲。
等左 5 分鐘就放我入去，坐最裡面。不過再望下，有大約 1/5 間餐廳好似冇打算用。我估係人請唔足。
「簡單廚房」 走中級餐廳價錢，不過的裝修就走輕鬆中高級餐廳路線。唔錯。我地坐兩人卡位，有的窄，落 order 個位小姐一黎就踩到我隻鞋邊。落完 order 我就立即私下抱怨，再望望落 order 個小姐，依，好熟面口喎，咪同事三分親個文丞君，再望真的，有化妝喎，斷估都冇認錯人…
叫左兩個個人餐，一個海鮮飯，一個三文魚意粉。個湯 5 分鐘就到，個意粉同飯就等左半個鐘。有相。
味道中上。條三文魚有的乾，不過海鮮飯隻青口同隻中蝦就好新鮮，意粉同飯好濃味。
雖然我估佢人手不足，不過的 waiter 就好快手，一叫就有人，service 可以話滿分。
食完飯，有個阿哥著牛記過黎問我地的野好唔好食，十足好似去食私房菜。不過我認不出這個人。唔知係唔係老闆呢？
埋單 $150 冇比貼士，因為個 waiter 等唔切我攞銀仔。不過其實的 service 真係唔錯。
出到黎 7 點半左右，等位等到人山人海，所以要早的去。
p.s. 呀，重有，有個 $38 兒童餐，用架玩具車上菜，幾得意。
張貼
