影片
更多
2017-12-25
6790 瀏覽
我哋公司條 team 提早食 Christmas lunch，所以去咗呢間西餐度食晏。地方都算唔太方便，反而勁好生意，但係侍應太少喇，好混亂。Lunch set 包前菜、主菜同飲品，全部都200蚊樓下。免費法式麵包同香草牛油。前菜要咗 Roasted pumpkin and ginger soup，湯好 creamy 同稠身，南瓜味好重，反而薑味就唔係好食得岀。隔離位同事唔小心將佢成個衫角浸咗落我碗湯度，我問侍應可唔可以換碗新嘅俾我。佢黑晒面，皺晒眉，藐嘴藐舌咁企咗係度，大約五後先話：ok... 哇洗唔洗咁呀。。。主菜嗌咗 Grilled New Zealand ribye steak ($198)。牛扒比我想像中無咁軟腍，肉質未去到好嫩滑多汁，at least 唔韌唔鞋，配埋 gravy sauce 都過得去嘅。跟餐咖啡等咗好耐先有，但係幾高質喎，咖啡味濃郁，跟甜品食就一流。跟餐唔包甜品，唯有另外嗌。我嗌咗個Normandy apple pie ($42)，等咗好耐好耐，連咖啡都飲完都未到。追咗幾次，淨係識得話 coming，但嗰時全餐廳得返我同另外一台。最後等咗半個鍾個蘋果批終於到
Lunch set 包前菜、主菜同飲品，全部都200蚊樓下。
免費法式麵包同香草牛油。
前菜要咗 Roasted pumpkin and ginger soup，湯好 creamy 同稠身，南瓜味好重，反而薑味就唔係好食得岀。
隔離位同事唔小心將佢成個衫角浸咗落我碗湯度，我問侍應可唔可以換碗新嘅俾我。佢黑晒面，皺晒眉，藐嘴藐舌咁企咗係度，大約五後先話：ok... 哇洗唔洗咁呀。。。主菜嗌咗 Grilled New Zealand ribye steak ($198)。牛扒比我想像中無咁軟腍，肉質未去到好嫩滑多汁，at least 唔韌唔鞋，配埋 gravy sauce 都過得去嘅。
跟餐咖啡等咗好耐先有，但係幾高質喎，咖啡味濃郁，跟甜品食就一流。
跟餐唔包甜品，唯有另外嗌。我嗌咗個Normandy apple pie ($42)，等咗好耐好耐，連咖啡都飲完都未到。追咗幾次，淨係識得話 coming，但嗰時全餐廳得返我同另外一台。最後等咗半個鍾個蘋果批終於到。失望地個蘋果派係冰冷架，凍到似啱啱係雪櫃拎岀嚟咁。仲以為係即叫即焗嘅蘋果批所以先要等咁耐。
成餐飯我哋食咗兩個鐘，大獲我仲有個會要趕住返 office 開。。。
張貼
