影片
更多
2011-01-17
14 瀏覽
***短評(安照豚王張點心紙去評)︰味道濃度︰揀「普通」，基本上冇揀錯，但始終要再與其他選擇配合先知。香味油份量︰揀「普通」，但已覺很多油，未知係湯底的油定係佢所指嘅香味油，揀「少」會較合適。蒜蓉份量︰揀「普通」，基本上唔多覺有蒜香，不過枱面係有生蒜比大家加，如想唔蒜/勁蒜，後加會安全啲。叉燒︰揀「要」。蔥︰揀「要」。秘製味噌︰揀「普通」，佢有幾秘製我真係食唔出，因為揀普通都唔係好FEEL倒味噌嘅味道。麵的軟硬度︰揀「普通」，佢係用類似壽桃牌嘅拉麵，屬幼身，揀「硬」會好啲。***總評︰十點半去到，前面已經有約十幾人，但總算食倒頭輪，唔係就要再等多十五至二十分鐘。排緊期間，人龍已經增至四十幾五十人。拉麵製作時間約十分鐘，湯的熱度未算爆錶，唔駛吹都可以入口，但原來「豚王味」都係辣辣地，比佢陰咗。所謂秘製味噌唔係好FEEL倒，可能真係秘密製作到我都FEEL唔倒。同時湯底重油脂，怕油者可能會卻步。叉燒雖然腍但唔夠肥及香，亦因為太腍而有少少霉嘅感覺。黑木耳又係腍，又係比佢陰咗。麵底揀咗「普通硬度」，但感覺太軟，不敢想像揀「超軟」會係點。如果唔駛掛餐死，行入去就食，都仲食得過，但如果要排到「I d
短評(安照豚王張點心紙去評)︰
味道濃度︰揀「普通」，基本上冇揀錯，但始終要再與其他選擇配合先知。
香味油份量︰揀「普通」，但已覺很多油，未知係湯底的油定係佢所指嘅香味油，揀「少」會較合適。
蒜蓉份量︰揀「普通」，基本上唔多覺有蒜香，不過枱面係有生蒜比大家加，如想唔蒜/勁蒜，後加會安全啲。
叉燒︰揀「要」。
蔥︰揀「要」。
秘製味噌︰揀「普通」，佢有幾秘製我真係食唔出，因為揀普通都唔係好FEEL倒味噌嘅味道。
麵的軟硬度︰揀「普通」，佢係用類似壽桃牌嘅拉麵，屬幼身，揀「硬」會好啲。
***
總評︰
十點半去到，前面已經有約十幾人，但總算食倒頭輪，唔係就要再等多十五至二十分鐘。排緊期間，人龍已經增至四十幾五十人。
拉麵製作時間約十分鐘，湯的熱度未算爆錶，唔駛吹都可以入口，但原來「豚王味」都係辣辣地，比佢陰咗。所謂秘製味噌唔係好FEEL倒，可能真係秘密製作到我都FEEL唔倒。同時湯底重油脂，怕油者可能會卻步。
叉燒雖然腍但唔夠肥及香，亦因為太腍而有少少霉嘅感覺。黑木耳又係腍，又係比佢陰咗。麵底揀咗「普通硬度」，但感覺太軟，不敢想像揀「超軟」會係點。
如果唔駛掛餐死，行入去就食，都仲食得過，但如果要排到「I don't wanna say」，咁就真係多謝晒喇。
張貼
