新肥泉海鮮大排檔

營業中

休息中

好耐冇食大排檔， 見近排新肥泉推出$288 一位嘅小炒加煲仔任食，限時90分鐘，餐牌有超過100種選擇，飲品都係任飲。每次每人限叫2碟，食完可以再叫。放工同同事過黎吹水挑戰下。😆我地試咗幾款菜式，味道方面都唔錯，炒得好有鑊氣。每碟既份量都係例牌size, 2個女仔食幾碟已經飽左，所以係..挑戰失敗既😛bb乳鴿外皮香脆，肉質嫩滑。豉油王新鮮鵝腸鵝腸新鮮，質地鮮嫩爽口，豉油王炒好入味。啫啫芥蘭煲一上枱聽到喳喳聲，香氣撲鼻，真係好吸引。芥蘭翠綠爽脆，蒜蓉香味好濃郁。肉碎帶有微辣，好惹味。芥末牛柳粒牛粒腍身，唔會過肥，芥末醬味道岩岩好， 唔太辣，突顯牛粒味道。